ئەڤرۆ دێ وەرزێ نوو یێ خولا كوردستانێ دەستپێكەت
بڕیارە ئەڤرۆ پەردە ل سەر وەرزێ نوو 2023- 2024 یێ خولا پلا نایابا كوردستانێ یا تەپا پێی بهێتە راكرن، 16 یانەیێن هەرێمێ پشكدارن ئەوا دێ ب پشتەڤانییا مەسرۆر بارزانی سەرۆكێ حوكمەتا هەرێما كوردستانێ و سەرپەرشتییا فیدراسیۆنا تەپا پێی یا هەرێمێ هێتە بڕێڤەبرن و هەمی یاری ل دەمژمێر2:30 پشتی نیڤرۆ هێنە كرن.
زاخۆ و ئاكرێ د دێربیێ بەهدینان دا
یاریگەها دەلال ل باژێرێ زاخۆ دێ مێڤاندارییا ئێك ژ دێربیێن بەهدینان دناڤبەرا خودانێن ئەردی زاخۆ و مێڤانا وێ یانەیا ئاكرێ كەت، هەردو تیمان گوهۆڕینێن باش د ناڤ كادرێ كادرێ راهێنانێ و یاریزانان دا كرینە، د وەرزێ بۆری دا و هەردو یاریێن خوە دا زاخۆ نەشیابوو سەركەفتنێ ل سەر ئاكرێ بینت، دووماهی یاری یا هەڤالینی بەری مەهەێ هاتبوو كرن یانەیا ئاكرێ ب سێ گۆلان بێ بەرانبەر سەركەفتن ئینابوو.
دهۆك دێ پێنگاڤا ئێكێ ژ دەرڤەیی یاریگەها خوە هاڤێژیت
سوبەهی رۆژا پێنج شەمبی تیما یانەیا دهۆك ژ دەرڤەیی یاریگەها خوە دێ دەست ب وەرزێ نوو كەت، دەمێ دبیتە مێڤانا یانەیا سەیدسادق ل باژێرێ سلێمانیێ، ئەلهۆیێن چیا ب كادرەكێ نوو دێ بزاڤێ كەت سەركەفتنا ئێكێ تۆماربكەت، سەرباری داخویانیێن پێشتر یێن كارگێریێ كو وەرزێ ئەڤ سالە بتنێ بۆ پشكداریێ و بەرهەڤكرنا یاریزانایە بۆ تیما خولا ئیراقێ، لێ هیڤیێن سەركەفتنێ د هەر یارییەكێ ژی دا یێن هەین.
ژ یاریێن دی یێن ئەڤرۆ: هندرین- پێشمەرگەیا هەولێر، رانیە- دەربەندیخان، شەقلاوە- برایەتی، سوبەهی، چارقۆرنە- هەولێر، شێروانە- سۆران، ئارارات- سیروانی نوو.
