ئەڤرۆ دەواما قوتابخانەیان دێ دەست پێ كەت
زنار تۆڤی:
ئالان حەمە سەعید، وەزیرێ پەروەردەیێ یێ حكومەتا هەرێما كوردستانێ دیار كر، وەزارەتا پەروەردێ یا حكومەتا هەرێما كوردستانێ، هەموو بەرهەڤی بۆ دەستپێكرنا سالا نوو یا خواندنێ كرینە و ئەڤرۆ ئێكشەمبی 21 ئیلۆنا 2025ێ، دەست ب سالا نوو یا خواندنێ ل هەرێما كوردستانێ دێ هێتە كرن.
ناڤهاتی گۆت: «ئەڤ سالە 10 هزار كورسیێن نوو یێن خواندنێ بۆ قوتابیێن هەرێمێ هاتینە دابینكرن، ل گەل هندێ 28 ئاڤاهیێن نوو بۆ خواندنا ئەڤ سالە د ئامادەنە و 30 قوتابخانەیێن دیتر یێن هەرێما كوردستانێ كار تێدا یێ بەردەوامە، هەروەسا 22 ملیۆن 134 هزار و 74 پرتووكێن نوو یێن خواندنێ هاتینە چاپكرن».
وەزیرێ پەروەردێ ئاشكرا ژی كر: «د كابینەیا نەهێ یا حكومەتا هەرێمێ دا 274 قوتابخانە هاتینە دروستكرن، پتر ژ 400 قوتابخانەیان ژی هاتینە نووژەنكرن».
