ئەڤرۆ د یۆرۆیێ دا ئیسپانیا دێ بزاڤێن ب هێزكرنا پێگەهێ خوە كەت و ئیتالیا دێ خوە ژ داكەفتنێ قورتالكەت
شاهۆ فەرید:
ئەڤرۆ پشتەڤان و حەزژێكەرێن وەرزشی چاڤەرێ دیتنا دو یاریێن دی یێن ب هێزە ژ چارچووڤەیێ كۆما دویێ و گەڕا سێیێ یا قارەمیانیا كۆپا ئۆرۆپا 2024ێ كۆ دهێتە هژمارتن یا ئاگرین، ئەڤێ گەرێ دا هەڤركێ ب هێز دكەڤیت وچاڤ ل سەكەفتنێ یە، پتریا هەلبژارتیا د جەنگن بۆ پلێتێن دەبازبوونێ، بۆ زانین هەردو یاریێن ئەڤرۆ دەمژمێر 10ی شەڤ هێنەكرن.
ئسپانیا ـــ ئەلبانیا
پشتی دو سەركەفتنێن زەحمەت ل دووڤ ئێك یێن هەلبژارتێ ئسپانی سەر ئیتالیا و كرواتیا ئینایین ب شەش خالا سەرێ لیستێ یە، بڕیارە ئەڤرۆ یاریێ بەرامبەری ئەلبانیا خودانا رێزا سێیێ بكەت، ئیسپانیا دڤێت بێ شكەستن و گۆلا خوە پاقژ بهێلێت بێ گۆل دەربازبیتە قۆناغا شازدێ، هەتا نوكە ئسپانیا چار گۆل توماركرینە و چ گول سەر نەهاتینە توماركرن، ژلایێ خوەڤە هەلبژارتیێ ئەلبانیا ئەوا هەسپێ رەش دهێتە پێشبینیكرن دێ بەرامبەری تاقیكرنەكا زەحمەت بیتن بەرامبەری ئسپاینا پێشبینیا سەركەفتنێ زەحمەتە خودانا خالەكێ یە سێ گۆل توماركرینە و چار سەر هاتینە توماركرن هێڤیا ویێە باشترینا سیێ دەربازی قوناغا شازدێ بیت.
ئیتالیا ــــ كرواتیا
یاریا دویێ یا ڤێ كۆمێ ئاگرینە جەنگەكێ مرنێ یە بۆ پلێتـا دەربازبوونێ یا دویێ هەلبژارتیێ ئیتالی هەلگرا ناسناڤێ یۆرۆیا بۆری خودانا رێزا دویێ دێ هەمی بزاڤان كەت ناسناڤێ خوە پارێزیت خوە بگەهینتە رێزا ئسپانیا و ئەلمانیا ب سێ ناسناڤا تا نوكە سەركەفتنەك ئینایە و شكەستنەك و سێ خالا كومكرینە و بەرامبەری دێ هەولدەت سەركەفتنەكا دی توماربكەت، هەلبژارتیێ كرواتیا ئەوێ دڤێ یۆرۆیێ دا ئەوا ژێ دهاتە چاڤەرێ كرن پێشكێشی جەماوەرێ خوە نەكریە تنێ سەركەفتن وێ دەربازی قوناغا دووڤدا دكەت و هەكە هات ئەلبانیا وەكهەڤ بیت یان توشی شكەستنێ بیتن و وەكهەڤی خزمەتا كرواتیا ناكەت.
ل دووڤ رۆژنامەیا كوریری دیلا سیرا یا ئیتالی پشكدارییا ستێرێ هەلبژارتیێ ئیتالیا یێ لایێ چەپێ ل هێلا بەرەڤانیێ فیدیریكۆ دیماركو شیانێن پشكداریێ بۆ یارییا ئەڤرۆ نابن ژبەركو گازندە ژ پێ خوە كریینە و دوهی ب تنێ راهێنان یێن كرین لەوما هاتییە پشت راستكرن ئەو یاریێ ناكەت و ل جهێ وی دبیت ماتیۆ دارمیان یا اندرێی كامبیاسۆ بكەن.
