ئەڤرۆ شەڕێ جیهانی یێ دویێ بۆ دووماهییا چامپیۆنزێ یە
شاهۆ فەرید:
ئەڤ شەڤە جەماوەرێ وەرزشی چاڤەریێ یاریەكا ب هێز و پری خوەشی یە یا پلێتا دویێ بۆ دەربازبوونا یارییا دوماهییا چامپیونز لیگ ژ یاریا چوونێ و تێدا سەركەفتن بتنێ خزمەتا هەردو یانەیا دكەت و ئەوا دێ ل دەمژمێر 10 شەڤێ دناڤبەرا ریال مەدرید یا ئسپانی و بایرن میۆنخ یا ئەلمانی هێتە ئەنجامدان.
یانەیا ریال مەدرید یا ئسپانی بەربژێرا بهێزا ناسناڤێ پازدیێ چامیپیونز لیگێ دناڤا یاریگەها خوە سانتیاگۆ بێرنابیو دێ مێهڤانداریا بایرن میونخ یا ئەلمانی كەت پشتی یاریا چوونێ ب دو گۆلان وەكهەڤی بووین، ئەڤ دیدارا 26ێ دناڤبەرا هەردو یانەیان د چامپیونێ لیگێ دا، دبین پترین سەركەفتن بۆ ریالێ ب دوازدە سەركەفتن بەرامبەردا یازدە سەركەفتن بۆ بایرن میونخ و سیێ جارا وەكهەڤ بووینە، ریالێ چ هەلبژارتنێن دی نینن ژبلی سەركەفتنێ دێ هێز هێتە دناڤا یاریێ دا كڤاشتنێن باش كەت بشێت یاریێ نۆت خولەكان دووماهی بینیت وەكو سیناریویا گەل مان ستی دووبارە نەبیت، راهێنەرێ ریال مەدرید یێ ئیتالی كارلۆ ئونشلوتی دیاركربوو كنترولا ئاستێ خوەیێ كەیفێ كر و ئەڤە گرنگترین یاریا ڤی وەرزیە بۆ مە دڤێت ئەم چاڤەرێ بین و سەبرێ بكێشین خوە ئارامبكەین دێ باشترین شێوەیێ خوە پێشكێشكەین بەرامبەری بایرنێ، پێكهاتەیێ پێشبینیكری بۆ ڤێ یاریێ شێوازێ 4-3-1-2 بیت، گولپارێز، لونێن، هێلا بەرەڤانیێ، كارڤاخال، ناچو، رودێگر، مێندی، هێلا ناڤین، ڤالڤێردی، چوامینی، تونی كرۆس، هێرشبەری، بێلینگهام، رودریگو و ڤێنیسوس.
ژلایەكێ دیڤە یانەیا بایرن میونخ هەلگرا شەش ناسناڤێن چامپیونزلیگێ پشتی دناڤا یاریگەها خوە وەكهەڤبوویی بەرامبەری ریالێ دێ بزاڤێ كەت دڤێ یاریێ دا سەركەفتنا هەر ئەنجامەكێ بینیت و پلێتا یاریا دووماهیێ دەستخوەبێخیت لێ ئەركێ وێ زەحمەتە بەرامبەری ریالێ، یانەیا ئەلمانی ب سەرپەرشتیا راهێنەریێ خوە توخێلی ئەوێ یاریا بوریی پێكهاتێ سەرەكی كریە سوپرایز بەری یاریێ شێوازەكێ دی كومەكا یاریزانا ڤەشارتبوون پشكدار كرن ئەڤێ یاریێ دێ هەولدەت پتر شێوازێ هێرشێ یاریێ بكەت دا بشێت سەركەفتنێ ژ ئسپانیا ڤەگەرن د داخویانێ دا گۆت: دێ هەمان ئاستێ یاریا بوری پێشكێشكەین و هێزتر دا بشێن دەربازبینە یاریا دووماهیكێ ئەنجامەكێ دلخوەشكەر ڤەگەرین، پێكهاتەیێ پێشبینی كریی شێوازێ 4-2-3-1 گولپارێز، نوێر، هێلا بەرگریی، مزراوی، ئوبامیكانو، كیم، دێڤیز، هێلا ناڤین، گنابری، كیمێچ، موسیالا، باڤلوڤێچ، تێل، هێرشبەر، هاری كێن.