ئەڤرۆ فەستیڤالا بەرهەمێن خۆمالی ل دەڤەرا بەرواریان دێ هێتە گێڕان
بڕیارە ئەڤرۆ 25/10/2023 ب چاڤدێریا دكتۆر عەلی تەتەر، پارێزگارێ دهۆكێ ل كۆمەلگەها بریفكا یا سەر ب ناوچەداریا كانی ماسێ ڤە ل دەڤەرا بەرواری ژووریان فەستیڤالا بەرهەمێن خۆمالی بهێتە ڤەكرن و بۆ دەمێ سێ رۆژان دێ یا بەردەوام بیت.
ئارمانج ژ ڤەكرنا ڤێ فەستیڤالێ نیشادانا بەرهەمێن ناڤخوەیی نە یێن ل دەڤەرێ دهێنە بەرهەمئینان و پەیداكرنا بازاریە بۆ وان.
دەڤەرا بەرواریان یا ناڤدارە ب چەندین بەرهەمێن خۆمالی، مینا سێڤان و بۆ ئێكەم جارە ژی فەستیڤالەكا بەرهەمێن ناڤخوەیی ل بن درووشمێ (سێڤا بەرواریان) بهێتە ڤەكرن.
