ئەڤرۆ فەستیڤالا (دۆمان) ل دهۆكێ دێ هێتە گێڕان
ب پشتەڤانیا بەرێز (د. عەلی تەتەر) پارێزگەرێ دهۆكێ، رێڤەبەریا گشتی یا رەوشەنبیری و هونەری ل دهۆكێ، ل بەرە ئەڤرۆ رۆژا ئێكشەمبی رێكەفتی 29/10/2023 فەستیڤالا (دۆمان/ قەرەچان) بۆ دۆمێن پارێزگەها دهۆكێ بگێڕیت و بۆ دەمێ دو رۆژان دێ یا بەردەوام بیت.
بەرنامێ ئەڤرۆ ل دەمژمێر یازدەی بەری نیڤرۆ دێ ل هولا محەمەد عارفێ جزیری دەستپێكەت و هژمارەكا پەیڤان دێ هێنە خواندن، ژوانا پەیڤێن د. عەلی تەتەر پارێزگەرێ دهۆكێ و ئەمیر عەلی رێڤەبەرێ گشتی یێ رەوشەنبیری و هونەری ل دهۆكێ و نوونەرێ دۆمان ل پارێزگەها دهۆكێ، د دووڤدا دێ بەلگە فلمەك ل دۆر ژین و ژیارا دۆمان/ فەرەچان هێتە نیشادان، پاشان دێ هژمارەكا بڕگێن مۆزیكێ و سترانان ژلایێ چەند هونەرمەندێن دۆمڤە هێنە پێشكێشكرن، ل دەمژمێر چاری ئێڤاری ژی ل هەمان هۆل دێ چار سمینار هێنە پێشكێشكرن، یا ئێكێ (د. خەلیل ئەتروشی) دێ ل دۆر دیرۆكا دۆمان ئاخڤیت و سمینارا دویێ ژی دا (د. عەبدولرەحمان شنگالی) دێ ل دۆر رۆلێ دۆمان د ئەدەبیاتان دا (رۆمان) وەك نموونە ئاخڤیت، د سمینارا سێێ دا (د. سومەیا سەعید) دێ ل دۆر بابەتێ تەخێن پشتگوه هاڤێتی یێن جڤاكی (دۆم) وەك نموونە ئاخڤیت، سمینارا چارێ و دووماهیێ ژی دێ بۆ(یونس زاهر) نوونەرێ دۆمان بیت، كو دێ ل دۆر ژین و ژیارا وان ئاحڤیت.
بەرنامەیێ سوبەهی رۆژا دوشەمبی ژی دێ ل دەمژمێر چاری ئێڤاری بیت ل (كومەلگەها ئادار) كو هەموو ئاكنجیێن وێ دۆمن، د دووڤا دێ پێشانگەهەكا كار و كارسازیێن وان هێتە ڤەكرن، زێدەباری پێشكێشكرنا چەند بڕگێن هونەری وەك ستران و مۆزیك و دەوات و نیشادانێن جودا و ب بەلاڤكرنا چەند خەلاتان دێ فەستیڤال ب دووماهی هێت.
