ئەڤرۆ ل ١١ بنگەھان دێ ڤاکسینا دژی کۆرۆنایێ ھێتەدانان
ئەڤرۆ، حەمۆ محەمەد:
بەرپرسێ راگەھاندنا رێڤەبەریا گشتی یا ساخلەمیا پارێزگەھا دھۆکێ دیار کر، ١١ ھزار و ٥٠٠ قورچێن ڤاکسینا ئەسترازینیکا گەھشتینە پارێزگەھا دھۆکێ و بۆ رۆژناما ئەڤرۆ دبێژیت: بڕیارە ئەڤرۆ ٢٨/٣/٢٠٢١ ل ١١ بنگەھان ل سەرانسەری پارێزگەھێ ڤاکسین بۆ ستافێ ساخلەمیێ و ھێزێن ناڤخوە و کەسانێن سەر ٥٠ سالیێ دا یێن خوە تۆمارکرین بھێتەدانان.
حەمزە رەزیکی، بەرپرسێ راگەھاندنا رێڤەبەریا گشتی یا ساخلەمیا پارێزگەھا دھۆکێ خویا کر، د. ئەفراسیاب موسا یونس، رێڤەبەرێ گشتیێ ساخلەمیا پارێزگەھا دھۆکێ، کۆمبوونەک دگەل لیژنا بلندا ڤاکسیندانێ ل پارێزگەھا دھۆکێ کر ل دۆر چاوانیا دەستپێکرنا ڤاکسیندانانێ بو نۆشدار و کارمەندێن ساخلەمیێ و ھێزێن ناڤخوە و کەسانێن دانعەمر ئەوێن خوە بۆ ڤاکسیندانانێ تۆمارکرین و گۆت: “بڕیارە ئەڤرۆ ل ١١ بنگەھان ل سەرانسەری پارێزگەھا دھۆکێ ڤاکسین بۆ ستافێ ساخلەمیێ و ھێزێن ناڤخوە و کەسانێن سەر ٥٠ سالیێ دا یێن خوە تۆمارکرین بھێتەدانان و دوھی نامە ب رێیا موبایلان بۆ ھاتینە ھنارتن و ھاتینە ئاگەھداکرن کا ل کیژان بنگەھی دێ ڤاکسینێ وەرگرن”.
رەزیکی گۆتژی: “ھیڤیە ئەو کەسێ ناما موبایلێ بۆ دچیت، دەمێ قەستا بنگەھێ ڤاکسیندانانێ دکەت، ناسناما خوە ل گەل کودێ خوە ل گەل خوە ببەت”.
بنگەھـ ژی ئەڤەنە:
• ل سەنتەرێ قەزا دھۆک:
– بنگەھێ خەبات یێ ساخلەمیێ.
– بنگەھێ بەھدینان یێ ساخلەمیێ.
– بنگەھێ شەھید محمدسالح بۆتی یێ ساخلەمیێ.
– بنگەھێ نزارکێ یێ ساخلەمیێ.
– بنگەھێ شەھیدان یێ ساخلەمیێ.
• ل قەزا زاخۆ:
– بنگەھێ بێدارێ
• ل قەزا ئاکرێ:
– نەخۆشخانا گۆلان یا گشتی
• ل قەزا ئامێدیێ:
– بنگەھێ بۆتان یێ ساخلەمیێ.
• ل قەزا سێمێلێ:
– بنگەھێ گۆلان یێ ساخلەمیێ.
• ل قەزا شێخان:
– بنگەھێ ئاراس یێ ساخلەمیێ.
• ل قەزا بەردەرەش:
– بنگەھێ خازڕ یێ ساخلەمیێ.
