ئەڤرۆ مەزنترین قارەمانی ل سەر ئاستێ كوردستانێ دێ هێتە رێكخستن
ل سەر راسپاردا سەرۆك بارزانی بڕیارە ئەڤرۆ هەڤڕكیێن قارەمانییا بارزانیێ نەمر یا تەپا پێی ژ قۆناغا دووماهیێ ل ژێر دورشمێ مرۆڤ دۆستی و ژینگەهـ پارێزی دێ ل هەولێرا پایتەخت دەستپێكەت و دووڤدا دێ ل باژێرێن دی یێن كوردستانێ بەردەوامبیت، ئەوا دێ ل ژێر چاڤدێرییا نڤێسینگەها مەلا مستەفا بارزانی بیت.
ئازاد ئەحمەد كارگێرێ مەكتەبا سكرتارەتییا لاوان پشكا وەرزشی بۆ رۆژنامەیا ئەڤرۆ گۆت: بۆ جارا ئێكێ ل سەر ئاستێ وەرزشا كوردستانێ و ل سەر راسپاردەیا جەنابێ سەرۆك بارزانی ل ژێر دورشمێ مروڤ دۆستی و ژینگەهـ پارێز یاریێن دووماهیێ یا قارەمانییا بارزانیێ نەمر یا تەپا پا پێی ب پشكدارییا 26 تیمێن گرێدایی یێن ناڤەندێن لاوان ل سنۆرێن باژێرێن كوردستانێ و هاتینە بەلاڤكرن ل سەر چار گرۆپان، دهۆك مووسل، هەولێر سۆران ، كەركووك گەرمیان و سلێمان هەلەبچەیا شەهید، یاریێن وان بشێوەیێ كۆم ئێك قۆناغ ل ژێر چاڤدێرییا نڤێسنیگەها رێزدار مەلا مستەفا بارزانی و ژلایێ ئێكەتییا لاواێن دیموكراتی كوردستان ڤە هێتە بڕێڤەبرن.
هەروەسان گۆت: ئەڤ قارەمانییە دێ بشێوەكێ جودا و رێكخستەكا جوان بیت و هەر گرۆپەك دێ ل باژێرەكی یارییان كەت، بڕیارە ئەڤرۆ یێن هەولێر سۆران ل هەولێرا پایتەخت دەستپێبكەن و دبیت هەتا نەهـ رۆژان بەردەوامبیت، دووڤدا دێ یێن دهۆك مووسل ل باژێرێ دهۆكێ هێنە ئەنجامدان، هەتا هەموو ب دووماهی دهێن، هەر گرۆپەك تیمەك دێ دەربازبیتە قۆناغا چارگۆشەیا زێرین.
ژلایەكێ دووڤە ناڤهاتی ئەوچەندە ژی دیار كر ئەڤ قارەمانییە دهێتە هژمارتن مەزنترین چالاكییا یارییا تەپا پێی ل سەر ئاستێ كوردستانێ و مەرەما سەرەكی ژی ئەوە هەمی وەرزشڤان و لاوێن كوردستانێ ب گەهنە هیڤیێن خوە و پشكداری قارەمانییا تەپا پێی بن و هەروەسان ژی بۆ پێشئێخستنا ئاستێ وەرزشێ یە و هاندنا گەنجێ مە ب وەرزشێ ڤە گرێدایی بیت.
