ئەڤرۆ مەزنترین هەوا ڤاکسیندانانێ دێ دەستپێکەت
(د. سامان بەرزنجی) وەزیرێ ساخلەمیێ یێ حکۆمەتا هەرێما کوردستانێ ڕاگەهاند، هەوەکا بەرفرەهـ یا نیشتمانی یا دژی نەخۆشیا سۆرکا ب دژەڤایرۆسێ سۆرکا تێکەل دێ دەستپێ کەت و دیارکر، سۆرک نەخۆشییەكا ڤایرۆسی یا ڤەگرە، وەزارەتا ساخلەمیێ یا حكۆمەتا هەرێما كوردستانێ د چارچووڤێ گرتنەبەرا رێکارێن پاراستنا ساخلەمیا وەلاتیان و نڤشێن پاشەرۆژێ، ئەڤرۆ ب هەڤپشکی دگەل وەزارەتا ساخلەمیا عێراقا فیدڕاڵ و ڕێكخراوا ساخلەمیا جیهانی WHO و ڕێكخراوا یونسێف، هەوەکا گشتگیر و بەرفرەهـ ل سەرتاسەری هەرێما كوردستانێ دێ دەستپێ کەت ل ناڤ باخچێن زارۆکان و قوتابخانێن سەرەتای، هەروەسا دێ بەردەوام ژی بیت ل زێدەکرنا هۆشیاریا جڤاکی سەبارەت ب ڤاکسینێ ڕۆتینی و مەترسیێن نەخۆشیا سۆرکا و هاندانا خێزانان بۆ ڤاکسیندانانا زارۆکێن وان و پەیڕەوکرنا ڤاکسینوەرگرتنا زارۆکێن وان ل دووڤ خشتێ ژێ بڕیاردای.
ئەف هەوە بۆ دەمێ دو حەفتیا دێ ڤەکێشیت ل باچخەیێن زارۆکان و قوتابخانێن سەرەتای ب ڕێکا 3,280 كارمەندان و نێزیکی873,191 زارۆکان دێ بنە ئارمانج بۆ پێدانا ڤاکسینێ.
وەزیرێ ساخلەمیێ دیارکریە، 873,191 زارۆک ب رێکا 10,916 سەرەدانان ل 3,981 قوتابخانەیان دێ هێنە ڤاکسینکرن و 3,280 كارمەند 1,100 سەرپەرشتار دگەل 1,094 تیمان ل 27 ناڤەندان دێ کار دگەل ڤێ هەوێ کەن.
