ئەڤرۆ نیوز پارچەک ژ کلیپا نەبەلاڤکریا ھونەرمەند ھوزان شەرفان لسەر ریفراندۆمێ بەلاڤ دکەت
ئەڤرۆ نیوز ، نەوزاد ھلۆری:
ھونەرمەندێ ناسیارێ باکوورێ کوردستان و باژێرێ وانێ ” ھوزان شەرڤان ” مژولێ درۆستکرنا نووترین کلیپا خوەیە کو تایبەتە لسەر ریفراندۆم و سەربخوی یا کوردستانێ و بریارە چەند رۆژێن بھێت ، بھێتە بەلاڤکرن ، ئەڤرۆ نیوز ژی پارچەک ژ وێ کلیپا نەبەلاڤکری بەلاڤ دکەت.
دڤی واریدا دکتور فەیسەل خودانێ پەیڤێن ئەوێ کلیپا ریفراندۆم یا ھونەرمەندێ ھوزان شەرڤان تایبەت بۆ ئەڤرۆ نیوز گۆت: ( بو دەما چەند رۆژایە ھونەرمەند ھوزان شەرفان کو ئێکە ژ ھونەرمەندێن باکوورێ کوردستانێ و باژێرێ وانێ مژولێ چێکرنا نووترین کلیپا خوە یە کو تایبەتە لسەر پرسا ریفراندۆم بۆ سەربخوی و دەولەتبوونا کوردستانێ ، و تێدا داخوازێ ژ ھەموو سەروک و رێبەرێن گەلێ کورد و لایەنێن سیاسی و وەلاتیان دکەت کو پێکڤە بەر ب ریفراندۆمێ بچن و پشتەڤانیا وێ بکەن ژبەرکو ریفراندۆم مولکێ چوو کەس و لایەنان نینە و پرسەکا نیشتمانیە و بو ھەمووانە)
زێدەتر گۆت: ( کلیپ ژ پەیڤێن منن و ئاواز یا ھەڤپشکە و کارێن وێ ھەموو ل ستودیویێن ئیستەنبولێ دھێنەکرن و چەند روژێن بھێت ژی دێ ھێتە بەلاڤکرن)