ئەڤرۆ و سوبەهی د شەڤبێریێن ڕمەزانێ دا
چاڤەڕێ دهێـتە كرن ئەڤرۆ و سوبەهی هەشت یار ژ گەڕا ئێكێ چوون یا قووناغا 16 یا قارەمانییا یانەیێن ئۆرۆپا قارەمانێن خولا چامپیۆنز لیگ یا فوتبۆلێ بهێنە ئەنجامدان، مەزنە یانەیێن ئۆرۆپا بەرانبەر تاقیكرنێن ئاگرین دانە.
یاریێن ئەڤرۆ
گالاتا سارایی- لیڤەرپۆل
بڕیارە ئەڤرۆ ل دەمژمێر 8:45 شەڤ یانەیا گالاتا سارایی یا توركی ل یاریگەها خوە مێڤاندارییا یانەیا لیڤەرپۆل یا ئنگلێزی هەلگرا شەش ناسناڤان بكەت د تاقیكرنەكا ب زەحمەت دا بۆ هەردو یانەیان، د دیرۆكا دیدارێن هەردو یانەیان دا هاتیە بتنێ دوجاران كەڤتینە ل بەر ئێم و هەردو یارییان گالاتا سارایی سەركەڤتن ئینایە، یارییا ئەڤشەڤە جێوازی هەرچەندە گالاتاسارایی ئێك ژ یانەیێن سۆپرایزە د چامپیۆنزێ دا و دوور نینە سەركەڤتنێ بینیت، لێ یانەیا لیڤەرپۆلێ شارەزاهییا د چامپۆنزێ دا هەی دبیت ئەو سەرەدەرییا تابەت دگەل بكەن.
نیوكاسل- بەرشەلۆنا
یانەیا نیۆكاسل یا ئنگلتەرایێ دێ یارییا ئێكێ یا ڤێ قووناغێ یانەیا بەرشەلۆنا هەلگرا پێنچ ناسناڤێن چامپیۆنزێ مێڤان كەت كو دهێتە هژمارتن ئێك ژ یاریێن دی یێن پێشبینیێن ئەنجامی دیارنینن، هەرچەندە هەردو یانە د قووناغا كۆمان دا كەڤتبوونە ل بەر ئێك ئەوا بەرشەلۆنا شیایی ب2-1 سەركەڤتنێ بینیت، هەروەسان د دیدارێن دیرۆكی دا بەرشەلۆنا شیایە ژ سەرجەمێ پێنچ یاریێن واندا چار سەركەڤتنان بەرانبەر خوسارەتییەكێ، لێ یانەیا ئنگلتەرایێ وەكو ئێك ژ یانەیێن هەڤڕك خوە دیاركرییە، ئەڤ یارییە دێ ل دەمژمێر 11ی شەڤ هێتە ئەنجامدان.
ئەتلەتیكۆ مەدرید- توتنهام
بڕیارە یارییا سێیێ یا شەڤانێن ڕەمەزانی ل دەمژمێر 11 شەڤ د ناڤبەرا خودانێن ئەردی یانەیا ئەتلەتیكۆ مەدرید یا ئسپانی و مێڤانا وێ توتنهام یا ئنگلتەراریێ بیت، هەردو یانەیاچەنسێ دەربازبوونێ هەیە لدووڤ ئاست و شیانێن وان د یاریێن بۆری دا، دبیت بتنێ جارەكێ یاری بەرانبەر ئێك كربیت ئەوژی كۆپا نێڤدەولەتی یا قارەمانان ل2016ێ بوو ئەوا ئەتلەیكۆ شیایی ب سەركەڤیت ب گۆلەكێ.
ئەتلانتا- بایرن میۆنخ
ژلایێ خوەڤە یانەیا بایرن میۆنخ یا ئەلمانی ئەلگرا شەش ناسناڤان دێ بیتە مێڤانا یانەیا ئەتلانتا یا ئیتالی، د وەرزێ ئەڤ سالە ل دووڤ ئەنجامێن وێ یانەیا بایرن میۆنخ بۆ فینالێ یاریێ دكەت ئەوا شەش جاران بوویە قارەمانا چامپیۆنزێ و یارییا ئەڤشەڤە دبیت یا بزحمەت بیت بەرانبەر ئەتلانتایێ لێ هەڤڕكییەكا بهێز دێ هەبیت، لدووڤ بنگەهێ ئاماران ل چامپیۆنزێ ئەڤ یارییە دبیتە یا ئێكێ دناڤبەرا هەردو یانەیان دا ئەوا ئەڤ دیدارە دێ ل دەمژمێر 11ێ شەڤ هێتە ئەنجامدان.
یاریێن سوبەهی چار شەمبی.
بایرلیڤەركۆزن- ئارسنال
بەردەوامی دان ل سەر یاریێن چامپیۆنزێ بڕیارە شەڤەكا دی ل دەمژمێر 8:45 شەڤ یانەیا باریرلیڤەركوزن یا ئەلمانی ل یاریگەها خوە یانەیا ئارسنال یا ئنگلێزی مێڤان بكەت، ئەڤ یارییە بۆ هەردو یانەیان گرنگە هەرچەندە دیدارێن پێشتر بتنێ ئێك جاربوویە ئەوژی یارییەكا هەڤالینی بوو بەری دو سالا ئەوا ب4-1 ل ئنگلتەرایێ ب سەركەڤتنا ئارسنال ب دووماهی هاتبوو.
ریال مەدرید- مانچستەر
دیدارا ئاگرین و چاڤەڕێ كرن كو دبیت پرانییا پشتەڤانێن وەرزشی یێن جیهانی ل 11ێ شەڤەكا دی ل هیڤییا دیتنا ڤێ یاریێ نە كو دبیتە ڤینالا پێش وەخت بۆ هەردو جەمسەرێن ئۆرۆپا، یانەیا ریال مەدرید دێ یارییا ئێكێ یا ڤێ گەڕێ ل یاریگەها خوە سانتیاگۆ بیرنابیۆ یانەیا مانچستەر ستی یا ئنگلتەرایێ مێڤانكەت، یانەیا ئیسپانی هەلگرا 15 ناسناڤێن ئۆرۆپا كو پترترین یانەیە ئەڤ ناسناڤە بری دێ بەرانبەر مەزنترین ئاستەنگ د ڕێكا خوە دا یانەیا مانچستەر بیت ئەوا ئێك ناسناڤ هەی، دیدارێن ب هێز دناڤبەرا ئێك دا پەیدابووینە كو دگەهنە 15 یارییان، شەش سەركەڤتن بۆ ڕیالێ بووینە و شەش بۆ مان ستی بووینە و د سێ یارییان دا وەكهەڤی ئینایە.
بۆدۆ جلیمێت- سپۆرتینگ لەشبۆنە
هەر د یاریێن سوبەهی دا ل 11ێ شەڤێ یانەیا بۆدۆ جلیمێت یا نەرۆیجی دێ ل یاریگەها خوە یانەیا سپۆرتینك لەشبۆنە یا پۆرتۆگالی كەت، یانەیا نەرۆیجی بوویە ئێك ژ ئەوان یانەیێن هەسپێ ڕەش، لێ سپۆرتینگ ژی كەسایەتیەكا بهێز دناڤ یاریگەهێ دا هەیە، ئەڤ یارییە دبیتە یا ئێكێ یا دیرۆكی دناڤبەرا هەردو یانەیان دا.
پاریس سانجێرمان- چێلسی
ئێك ژ یاریێن دی یێن بهێز د چارچووڤەیێ قووناغا 16ێ و یارییا ئێكێ دا یانەیا پاریس سانجێرمان قارەمانا وەرزێ بۆری دێ ل یاریگەها خوە یانەیا چێلسی یا ئنگلتەرایێ خودانا دو ناسناڤێن چامپیۆنزێ ل دەمژمێر 11ێ شەڤ مێڤانكەت، یاریێن هەردو یانەیان هەردەم ئاگرین و هەڤڕكییەكا بهێز بوویە، هەتا وێ ڕادەیی ژی د نەهـ دیدارێن پێشتر سێ سەركەڤتن بۆ هەر یانەیەكێ و سێ وەكهەڤی هاتینە.
گۆلكەرێن قارەمانیێ
پشتی گەهشتنا هەر 16 یانەیان بۆ قووناغا هەشتێ ژ قارەمانیێ ئەوا دێ یاریێن وان ب شێوەیێ هاتنووچوون هێنە كرن، دەهـ باشترین گۆلكەرێن ئێكێ د چامپیۆنزێ دا هەتا نوكە بڤی شێوەیی نە.
1- كێلیان مبابی، 13 گۆل ژ یانەیا ڕیال مەدرید.
2- ئەنتۆنی جۆردن، 10 گۆل ژ یانەیا نیۆكاسل.
3- هاری كین، هەشت گۆل ژ یانەیا بایرن میۆنخ.
4- ئیرلینگ هالاند، حەفت گۆل ژ یانەیا پاریس سانجێرمان.
5- ڤیكتۆر ئۆسیمێن، حەفت گۆل ژ یانەیا گالاتا سارایی.
6- مایكل ئیسحاق، شەش گۆل ژ یانەیا لیخ بۆزنان یا پۆلەندی.
7- بێرنابیس فارجا، شەش گۆل ژ یانەیا ئەیاك ئەسینا.
8- لیۆناردۆ ئەندرێی، شەش گۆل ژ یانەیا قەرەباج یا ئازەربێجانی.
9- گابریێل مارتینێلی، شەش گۆل ژ یانەیا ئارسنال.
10- ئیلی هاگۆ، شەش گۆل ژ یانەیا بۆدۆ جلیمێنت.
سیستەمێ قارەمانیێ
هەژی گۆتنێ هەر یانەیەك دێ هەشت یارییان دگەل یانەیێن جودا كەت، چار یاری دناڤ ئەردێ خوە دا و چار ژ دەرڤەیی یاریگەها خوە، هەشت یانەیێن ئێكێ دێ دەربازبنە قۆناغا 16ێ، ئەو یانەیێن ژ ڕێزا نەهێ هەتا 24ێ دهێن دێ هەڤڕكیێ بۆ هەشت پلێتێن مایی یێن دەربازبوونێ بۆ قۆناغا 16ێ كەن، ئەو یانەیێن د رێزا 25ێ هەتا 36ێ دهێن دێ ژ هەڤڕكییان هێنە دوورئێخستن.
