ئەڤرۆ چەندین توخمێن تری و هنگڤینی د ناڤ فەستیڤالەكێ دا دێ هێنە نیشادان

دهۆك، لەزگین جۆقی:

رێڤەبەریا گشتی یا چاندنێ ل پارێزگەها دهۆكێ راگەهاند، ئەڤرۆ 15/9/2025ێ ب پشتەڤانیا حكومەتا هەرێما كوردستانێ و ل ژێر چاڤدێریا پارێزگارێ دهۆكێ فەستیڤالا بەرهەمێ تری و هنگڤینی ل دهۆكێ دێ هێتە ڤەكرن، ب مەرەما پەیداكرنا بازاڕی و نیشادانا بەرهەمێ تری و هنگڤینی.
ئەحمەدجەمیل، رێڤەبەرێ گشتیێ چاندنێ ل پارێزگەها دهۆكێ بۆ ئەڤرۆ ئاشكرا كر، ئەڤ سالە ل ژێر درووشمێ (دهۆك ژێدەرێ بەرهەمێ خۆمالییە) ب چاڤدێریا پارێزگارێ دهۆكێ هەژدەمین فەستیڤالا تری و هنگڤینی دێ هێتە ڤەكرن و بۆ دەمێ‌ دو رۆژان دێ‌ یا بەردەوام بیت و پتر ژ 50 توخمێن تری و هنگڤینێ سروشتی و خۆمالی یێ گوند و چیایێن كوردستانێ تێدا دێ هێنە نیشادان».
فەستیڤال ل دەمژمێر 10:00ی سپێدەهیا ئەڤرۆ 15/9/2025 ل فاملی مۆل ل دهۆكێ‌ دێ‌ هێتە ڤەكرن.

کۆمێنتا تە