ئەڤرۆ کۆنگرێ فیفایێ دێ هێتە بەستن و چەندین بریارێن ئێکلاکەر دێ هێنەدان
ئەڤرۆ نیوز ، زنار تۆڤی :
بریارە ئەڤرۆ ل باژێرێ مۆسکۆ 68 مین کۆنگرێ فیفایێ بهێته بەستن و چەند بریارێن چارەنڤیسساز دێ هێنەدان.
فیفایێ ب دەرفەت دیت کو هەموو ئەندامێن خوە کۆم بکەت ل رووسیا و ئەڤرۆ ئەو کۆنگرە دێ دەست پێ کەت ، گرنگترین بریار ژی ئەڤرۆ دێ ئێکلا بێت ، وەلاتێ مێڤاندارێ مۆندیالا سالا 2026 یە.
بۆ مێڤانداریکرنا وێ مۆندیالێ ، نوکە دوو لایەن ماینە وەکو رکابەر ، ئێک وەلاتێ مەغربە، لایەنێ دی هەرسێ وەلاتێن ئەمریکا و کەنەدا و مەکسیکن کو پێکڤە دێ داخوازا مێهانداریکرنا مۆندیالێ کەن.
دیسا دێ پێداچوونێ د سیستەمێ ریزبەندیا پۆلینکرنا هەلبژارتیێن جیهانێ دا کەن ، بابەتەکێ دی یێ گرێدایە ب زێدەکرنا ژمارا هەلبژارتیێن مۆندیالا 2022 ل قەتەر بۆ 46 هەلبژارتیان کو وەلاتێن ئەمریکا لاتین پێشنیاز کریە ، هەروەسا دیارکرنا ماوێ برێڤەچوونا یاریێن جاما جیهانی یا لاوان و تازەپێگەهشتیان و پێداچوون ب قانوونا سزادانێن فیفا یێ دا.