ئەڤرۆ گەلەریا دهۆكێ دێ پرۆژەیێ پابلیك ئارت ڤەكەت
هەرهین محەمەد:
رێڤەبەریا گشتی یا رەوشەنبیری و هونەری و گەلەریا دهۆكێ ل بەرە ئەڤرۆ ل دەمژمێر چاری ئێڤاری ل گەلەریا دهۆكێ رێورەسمێن ڤەكرنا پرۆژێ پابلێك ئارت گەرا پێنجێ ژ ئامادەكرنا (شینوار ستی) ڤەكەت.
هونەرمەندێ ئەندازیار (شینوار ستی) بۆ ئەڤرۆ گۆت: ئەڤ پرۆژە بەری دوسالان هاتیە دەستپێكرن و ئەڤ پرۆژەیێ بابێ من وەلید ستی یە و دبینم پابلێك ئارت رۆلەكێ گرنگ یێ هەی دژیانا كەلتوری و یا كومەلگەها مە و باژێرێ دهۆكێ ژی هێدی هێدی یا تێتە گۆهۆڕرین و مە دڤێت هونەر ژی پشكداری ئەڤێ گۆهۆڕینێ بیت، لەورا مە ڤیا هندەك پرۆژێ پابلێك ئارت ب دانینە گەلەریێ و دەمێ خەلك د بەرا دچن پەیكەرەكێ مەزن و سەرنجراكێش بیت و ئەڤ پرۆژە ژی ژ دوسەد حەفتێ سندوقێن فێقی پێكهاتییە، هەموو دەما ئەو كارێن ئەم دكەین گەلەك مەزاختی لێ نەچیت و ئەم ب ئەوان كەرەستەیان دروستكەین كو د سرۆشتی و د بازاری دا هەبن و هونەرمەند تشتەكی ژێ دروستكەین و بینەر خۆشیێ ژێ بینت و هەموو دەمان ئەم بزاڤێ دكەین پەیوەندیەكێ دناڤبەرا بینەری و هونەری پەیداكەین نەكو بچیتە دناڤ هولا گەلەریێ دا و مە دڤیت هەموو خەلك ب ساناهی بینن.
