ئەڤسالە دێ بەرھەمێ جوتیاران باشتر بیت
ئەڤرۆ نیوز، عەلی حاجی:
ئەحمەد سامی رێڤەبەرێ چاندنێ ل زاخۆ بۆ ئەڤرۆ نیوز گوت: (ل گورەی بەرنامێ رێڤەبەریا مە ھاتیە دارێشتن بۆ جوتیارێن سەر ب رێڤەبەریا مە ڤە، ھەر جوتیارەکێ ل زاخۆ دونەمەکێ عەردی ٣٠٠ نەمامێن فێقی یێن جورا و جور ب نیڤا بھا ل سەر وان ھاتنە دابەش کرن دا کو بەرھەمێ جوتیاران ل زاخۆ باشتر ببیت و زێدەباری ڤێ چەندێ ژی ١٠٠ مقەسێن کەزاختنا داروباری ژی بێ بەرامبەر ل سە جوتیارێن دەڤەرێ ھاتنە بەلاڤ کرن) .
ناڤھاتی زێدەتر گوت ژی ل دەمەکێ نێزیک دا ل بەرنایێ مە دایە بۆ ٨٠ جوتیارێن خودانێن خانیێن پلاستیکی نایلون ب نیڤ بھا ل سەر وان بھێنە بەلاڤ کرن ژ بەر کو گوھۆرینا کەش و ھەوای ل دەڤەرا زاخۆ بەردەوامە و دبیتە سەدەمێ تێکچوونا نایلونێ وان خانیێن پلاستیکی، ئەز ل وێ باوەریێ مە و ل گورەی پلانێت ھاتینە دارێشتن بەرھەمێ جوتیاران ل دەڤەرا زاخۆ دێ باشتر بیت ژ سالا بوری، ژ بەر کو د ئەڤ سالە دا زێدەتر دێ خزمەتا جوتیاری ھیتە کرن.
