ئەڤسالە هەتا 900 هزار دۆنەمێن دەخلودانێ دێ هێنە چاندن
دهۆك، لەزگین جوقی
رێڤەبەرێ گشتیێ چاندنێ ل پارێزگەها دهۆكێ راگەهاند، ژ ئەنجامێ هاتنا بارانان، جوتیاران ل هەمی دەڤەرێن سەر ب دهۆكێ ڤە دەست ب چاندنا بەرهەمێ دەخلۆدانێ كریە، هەتا نوكە ل دهۆكێ 99 ملیمێن بارانێ بارینە و ئەڤ رێژا بارانێ بۆ چاندنێ یا باشە.
ئەحمەد جەمیل، رێڤەبەرێ گشتیێ چاندنێ ل پارێزگەها دهۆكێ بۆ ئەڤرۆ گۆت: دبیت ئەڤ سالە هەتا 900 هزار دونەمێن ئەردی بهێنە چاندن، ئەم دبینین هەمی بەرهەمێ دەخلۆدانی دێ هێنە چاندن، هەر نوكە دەست ب كارێ چاندنا گەنمی هاتیە كرن، ل هەمی دەڤەران ئەم وەسا دبینن ئەڤ ساڵە پتریا جوتیار چاندنێ بكەن، چونكو بارانێن ئەڤساڵە دەمەكێ گونجای دا هاتیە و رێژا بارانێ ژی بۆ چاندنا دەخلودانێ باشبوویە.
ئەحمەد جەمیل زێدەتر گۆت: پێشبینی دكەین ئەڤسالە هەموو رووبەرێ ئەردێ هاتیە پیشبینێ كرن بۆ چاندنێ بهێنە چاندن ژلایێ جۆتیاران ڤە، چونكە باران باش هاتیە د دەمێ گونجایێ دا ئەڤسالە رێژەكا باشە بارانێ هات، ئەڤە بوویە هاندەر جۆتیار دەست ب كارێ چاندنا گەنمی بكەن.
