ئەڤینا بێ سنوور
سەگڤان ئەحمەد
وێ ئەز ڤیام من ئەو ڤیا
ئەڤینا مە بێ سنوورە
ژڤانێن مە لسەرێ ڕێیا
نیشانا مە گولا سۆرە
ئەم ئێك دلین هەمی دەما
ناخوینین فەرهەنگا خەما
كاروانێ ڤینێ برێڤەما
لێ ئەم گەهشتن هیڤییا
::: ::: :::
مە كەلها خوە ژدل ئاڤاكر
سنوورێن وێ تەڤدە گولن
مە ئالا عەشقا خوە ڕاكر
ئێش و ئازار ژ مە سلن
ڕەوشا باغێ ئەڤینا من
ئەوە هەڤالا ژینا من
دل نازكە نارینا من
خەمل دایە دەشت و چیا
::: ::: :::
هەر چار وەرزێن مە بهارن
ڕۆژێن مە سەیران و گەشتن
تاڤیێن عەشقێ لمە دبارن
عاشق هەمی ژبەر مە مەستن
ئەم بوون هێمایێ ئەڤینێ
مە پێكڤە ڕست تەڤنێ ژینێ
ژیان خوەشە دگەل نارینێ
وێ ئەز ڤیام ومن ئەو ڤیا.
