ئەڤە نە وێنێ مریەم خانێ یە
ئەڤرۆ نيوز:
خەمخۆرەکێ ھونەرێ سترانا کوردی یا رەسەن کو ژ سالا ١٩٤٤ ێ وەرە مژوولی کۆمکرنا کەلتوورێ و سترانا کوردی یە، ھەر تشتەکێ ھونەری ببینیت و ھەکە ب چەندێ بیت ئەو دکڕیت و نافرۆشیت و ھەلدگریت وتایبەت دبیاڤێ سترانێ دا و دیارکر کو قاون ھەتا ١٠٠ ھزار دیناران ژی کریە.
ئوسمان جاروللا، بۆ بەرپەرێ ھونەری یێ رۆژناما ئەڤرۆ گۆت: ئەڤ وینێ بەر بەلاڤ و دبێژن ئەڤە (مریەم خان)ە ئەڤە ھوسا نینە و ئەڤە نەوێنێ وێ یە و ئەز گەلەک ل دووڤچوویمە، ئەڤ وێنی ھاتیە بەلاڤەکرن ژنەکا عەرەبە بناڤێ( فاتما) من پرسیارا گەلەکان کریە کو ل گەل ژیاینە دیارکرینە ئەڤە نەوێنێ (مریەم خانێ)یە، دەنگ ئەوە دروستە لێ وێنە ئەو نینە.
ھێشتا گۆت: مریەم خان ژ دەڤەرا سلۆپیا ھاتیە زاخۆ و ئەڤە ژ بەر شەری و برسێ ھاتینە و د دووڤ دا ھاتینە مووسل، کەسەک ل مووسل ھەبوو ناڤێ وی فەتحی بوو وی قاوون دفرۆتن و ل سترانبێژان دگەڕیا وقاون تۆماردکرن، دڤیابا سترانبێژی دو یان چار قاوەن گۆتبان و ماوەکی بەرزەبوو ئەو فەتحی چوو ئەلمانیا ھەتا کوپیدکر و دزڤری ڤە، دیسان ھەڤالەک من ھەبوو دگۆت: چوومە بەغدا کەسەکێ ئەرمەنی ھەبوو بناڤێ(ئەفکار مارتێن) قاون دفرۆتن و من داخازا قاونەکا مریەم خانێ کر و خودانێ عومبارێ دیارکر کو مریەم خان ب خوە یا روونشتی یە وی جھی و ئەز چوومە دەف پشتی سلاڤکرنێ من مریەم خان دیت دکرە گری گۆت یا پیربوویم و کومپانی یا دبێژیت وەرە سترانان بێژە.
ناڤبری گۆت: مریەم خانێ ل دەسپێکا سالێن سیھان ستران بۆ پێنچ کومپانیان گۆتینە، دو قاون ھەتا نوکە دبەرزەنە، دیسان مریەم خان و سەعید ئاغا چووینە حەلەبێ ژی و ستران ل سەر قاونان تۆمارکرینە.
ناڤبری گۆت: من ھنارتە لەندە وێنێ وێ کومپانیا ستران بۆ تۆمارکرین من گۆتێ ما ئەو کەسێ ستران بۆ ھەوە تۆماردکرن ھەوە وێنە بۆ نەدگرتن و پرسیار ژێ نەدکرن؟ گۆت ئەڤە نەمایە.
ناڤبری ھێشتا گۆت: ل سەر دەمێ مریەم خانێ (عەزیز ئاغا، سەعید ئاغا، ئەلماس و نەسرین شێروان) ھەبوون.
