ئەڤ تشتە بێی ئەم بزانین مە دئێشینن
ئه‌ڤرۆ نيوز:
ھندەک جاران مرۆڤ ھەست ب ئێشانێ دکەت و نزانیت ژێدەرێ وێ چیە، دبیت تشتەکێ سڤک بیت مرۆڤی ھای ژێ نینە. ھندەک کاروبار و تشت یێن ھەین دبنە ئەگەر مرۆڤی بێشینن و ژ وان ژی:
تۆرەبوون: ڤەشارتنا تۆرەبوونێ دبیتە ئەگەرێ پشت ئێشانێ. ڤەکۆلەر ئاماژێ ددەن کو ئەو کەسێ تووشی پوسدەیێ دبیت و تۆرەبوونا خوە کپ بکەت و دەرنەئێخیت دێ ھەست ب ئێشانا بنێ پشتێ کەت، ئەو ژی ژ بەر گڤاشتن و تەشەنوجا زەپلەکان. لەورا یا پێدڤیە ھەمی دەمان ھەناسەیەکێ بدەیە تۆرەبوونا خوە و ب زەلالی بۆچوونێن خوە بۆ یێن بەرامبەر بێژی. ھەکە ئەڤ چەندە یا ب دلێ تە نەبوو ھزرێن خوە ل سەر کاغەزەکێ بنڤیسە.
مۆبایلا ژیر: دبیت مۆبایل ھوویەک بیت ھەڤگەھشتن و پەیوەندیێن تە ل گەل کەسێن دی بساناھی دئێخیت ل سەرانسەری جیھانێ، بەلێ دشێت تە پوسیدە بکەت و تە بئێشینیت. ھەکە تو ئەو یێ مۆبایلێ ددەیە بەر گوھێ خوە ب ملێ خوە دگری دا کارەکی دی د بەر را بکەی، ئەو تو دێ ستوویێ بۆ دەمەکێ درێژ خوار کەی. ئەڤ ئێشانێ د ستوویێ مرۆڤی دا و ھەتا دەستێ پەیدا دکەت. ھەکە پەیوەندیا تە یا درێژ بیت تو دشێی ھێدفۆنێ بکار بینی دا تووشی ئێشانێ نەبی.
پێشبینیا یا خرابتر: مەزتنکرنا کاروباران و پێشبینیکرنا یا خرابتر مرۆڤی د وەستینیت و نەئارام دکەت. ئانکو گرێدانەک یا د ناڤبەرا ھەست و ئێشانێ دا ھەی، ئانکو دێ پاشی ھەست ب ئێشانا لەشێ خوە کەی ژ بەر کومڤەبوونا ھەست و ئێشانان د ھەمان دەڤەرا مێشکی دا.
کێم نڤستن: پێدڤیە تو بەرسڤا گەلەک ئیمیلان بدەی، مالێ پاقژ بکەی و جلکان بشۆی.. نڤستنا خوە نەئێخە بنێ لیستا کاروبارێن خوە، بەلێ بکە کارێ ژ ھەمیان گرنگتر. لەشێ مرۆڤی ل دەمێ نڤستنێ ھورمۆنێ وەرارا مرۆڤی یا پێدڤی بەرھەمدئینیت ئەوێ رادێ ئێشانێ کێم دکەت. ئەڤ چەندە وەدکەت کو ئەو کەسێن دوەستیێن سێجارکی پتر تووشی ئێشانێ دبن.
کار: دبیت تو وەسا ھزر بکەی کو روونشتنا ل پشت مێزێ نابیتە ئەگەرێ ئێشانا لەشێ تە چونکو تو چ کارێن ب وەستیان ناکەی، ئەو تو یێ شاشی، رەوشا روونشتنا تە و ژێنگەھا دەردورێن تەھەمی دبنە ئەگەرێ پەیدا بوونا ئێشانان. بزاڤێ بکە گەلەک ل بەر شاشا کومپپۆتەری نە روونەخوار و بزاڤێ بکە گەلەک لڤینان بکە، خوە ژ قەرەبالغێ و ئاریشان دوور بکە دا تووشی چ ئێشانان نەبی.
