ئەڤ خوارنە بۆ زەلامینیا ھەوە یا خرابە
ئەڤرۆ نیوز:
رۆژناما دەیلی میل یا بریتانی دیار کر کو ڤەکۆلەرێن زانکۆیا ھارفارد یا ساخلەمیا گشتی ل بوستن ئاشکرا کریە کو ئەو زەلامێن رۆژانە سێ دانێن پەنیری بخۆن جۆرێ سپێرمان ل نک وان لاواز دبن.
ئەو دانێن خوارنێ یێن ڤێ باندۆرێ دکەن، ٢٨ گرامێن پەنیری تێدا بن و کەچکەکێ بچووک یێ نیڤشکی و کوپەکێ شیری. زانا وەسا ھزر دکەن کو ئەو ھورمۆنێن ژنان یێن د ناڤ شیری دا مایێ خوە د شیانێن زەلامان دکەن بۆ زارۆ ئینانێ.
د تاقیکرنەکێ دا بۆ ڤەکۆلەران ئاشکرا بوو کو ئەو گەنجێن وێ خوارنێن دخۆن کو سێ پرتێن پەنیری تێدا بن، شیانێن وان یێن سیکسی ب رێژا ٢٥% کێمتر لێدھێن.
ڤەکۆلەران دیار کر کو ھورمۆنێن ژنان یێن تایبەت ب شیری ڤە ل گەل وی شیری تێکھەل دبن یێن ژ چێلان ددۆشن و ب شێوەکێ کیمیاوی باندۆرێ ل سەر بەرھەڤیا زەلامی دکەن.
سەرەرای وان مەترسیێن پەنیر ل سەر خڕشبوونا زەلامی دکەت، ڤەکۆلینێ ئاماژە دا وێ چەندێ کو نابیت ب ئێکجاری خوە ژ خوارنا بەرھەمێن سپیاتیان دوور بکەن، چونکو ئەو دێ باندۆرێ ل ھندەک کارێن دیێن لەشی کەت.
