ئەڤ خوارنە دەروونێ مرۆڤی ئارام دکەن
ئەڤرۆ نیوز:
شارەزایێن وارێ نۆشداری ل نەخۆشخانا مایۆ ل ویلایەتا ئاریزۆنا یا ئەمریکا ئاشکرا کریە، مادێن خوارنێ شیان هەنە ساخلەمیا دەروونی یا مرۆڤان باشتر بکەن.
مالپەرێ Focus.de یێ ئەلمانی دیار کریە، نۆشدار بۆ باشکرنا میزاجی رێنمایان ددەن کو باقلکان، ماسیان، چەرەزاتان، برۆکلی، سپێناخ و هێکان بخون، ژبەرکو هاریکارن بۆ کێمکرنا نیشانێن خەمۆکیێ، هاندانا بەرهەمئینانا هۆرمۆنێن دڵخۆشیێ (سیرۆتۆنین و دۆپامین).
باقلک و چەرەزات و هێک ژی ئەمینی تێدایە کو گرنگ و پێدڤینە بۆ پاراستنا هەڤسەنگیا هۆرمۆنێ سیرۆتۆنین د لەشی دا، هەروەسا هاریکارن ژ بۆ کو بشێین باش بنڤین و ژ خەو رابین.
سپێناخ و برۆکلی ژی زەنگینن ب ترشێ فۆلیك کو ئەگەر د لەشی دا کێمبیت دێ بیتە سەدەما تووشبوونێ ب حاڵەتێ تێكچوونا خەو و خەمۆکیێ.
ئەڤ مادە هاریکارن بۆ باشترکرنا میزاج و رەوشا دەروونی، لێ د حالەتێ دەرکەفتنا نیشانێن خەمۆکیێ دا دڤێت سەردانا نۆشدارێ بسپۆر بهێتە کرن.
