ئەڤ سالە تێكدانا ژینگەهێ یا كێمبووی
دهۆك لەزگین جوقی:
ب هەلكەفتا ڕۆژا ژینگەها كوردستانێ ل پارێزگەها دهۆكێ هژمارەكا كەوان بۆ ناڤ ژینگەهـ و سروشتێ جوان یێ كوردستانێ هاتنە ئازادكرن.
عەمید جەمال سەعدۆ، فەرماندێ هێزا دهۆكێ یا پاراستنا ژینگەهێ بۆ ئەڤرۆ خویا كر، كۆ ب هەلكەفتا ڕۆژا ژینگەها كوردستانێ 16 كەو بۆ ناڤ ژینگەها جوان یا كوردستانێ هاتنە ئازادكرن و گۆت: «ئەم شیاینە د سالا بۆری دا 58 ماسیگران و 34 كەوگیران دەستەسەر بكەن و بدەینە دادگەهێ».
گۆتژی: «ئەڤ سالە رێژەیا تێكدانا ژینگەهێ كێم بوویە و پتر ولاتی پاراستنا ژینگەهی دكەن».
