ئەڤ سالە زانکۆیا دھۆکێ دێ ئاھەنگا رێفراندۆمێ گێریت
ئەڤرۆ نیۆز،زنار تۆڤی:
سەرۆکێ زانکۆیا دھۆکێ دیارکر کو بریار ھاتیە دان ئەڤ سالە ئاھەنگا دەرچوونا قوتابیێن زانکۆیا دھۆکێ ئاھەنگا رێفراندۆمێ بیت و ئاهەنگ دێ ل ژێر دروشمێ ”رێفراندۆم و سەرخوەبوونا کوردستانێ بەرھەمێ خوینا گەشا شەھیدێن کوردستانێ“ یە بھێتە گێران.
د. مسلح دھۆکی، سەرۆکێ زانکۆیا دھۆکێ بۆ ئەڤرۆ نیۆز دیارکر ژی، ھەر سال ل ھەیڤا 11 ئاھەنگا دەرچوونا قوتابیێن زانکۆیا دھۆک دھاتە گێران لێ ئەڤ سالە بریار ھاتە دان ل 11 ئیلۆنێ ئاھەنگا دەرچوونا قوتابیان بهێتە گێران.
د. مسلح دهۆکی هەروسا راگەهاند،ئەڤ سالە ئاھەنگا دەرچـوونا قوتابیێن زانکۆیا دھۆکێ دێ بۆ ھەموو کولیژیێن زانکۆیێ پێکڤە ھێتە گێران.
هێشتا دبێژیت:وەکو رێزگرتن ل شۆرەشا ئیلۆنێ کو، رێفراندۆم و سەرخوەبوونا کوردستانێ بەرھەمێ خوینا گەشا شەھیدێن کوردستانێ یە،لەورا زانکۆیا دھۆک ب فەر دیت ئاھەنگا دەرچوونا قوتابیان ل ژێر ناڤێ رێفراندۆمێ ب گێریت،بەری کو ریفراندۆم ل 25 ئیلۆنێ بهێته گێران.
