ئەڤ سالە سایلۆیا رۆڤیا دێ گەنمێ جۆتیارێن بەردەڕەشێ و ئاكرێ وەرگریت
دهوك، لەزگین جوقی:
رێڤەبەرێ سایلۆیا شێخان بۆ رۆژناما ئەڤرۆ دیاركر، ئەڤ سالە ل رۆڤیا گەنمێ جوتیارێن دەڤەرداریا ئاكرێ و بەردەڕەشێ دێ هێتە وەرگرتن، ئەڤە دێ بیتە بارسڤكی ل سەر سایلۆیا شێخان و پتر گەنمێ جوتیاران دێ هێتە وەرگرتن.
خالد بیبۆ، رێڤەبەرێ سایلۆیا شێخان گۆت: «بەری نوكە سایلۆیا رۆڤیا گەنمێ جۆتیاران وەرنەدگرت، د ئەنجام دا بارگرانی ل سەر سایلۆیا شێخان دروست بوو، سایلۆیا شێخان گەنمێ جۆتیارێن دەڤەرداریا ئاكرێ و شێخان و بەردەڕەشێ وەردگرت، لەو گەلەك فشار ل سەر سایلۆیا شێخان هەبوو، ئەڤ سالە سایلۆیا شێخان ب تنێ گەنمێ جۆتیارێن شێخان دێ وەرگریت و جۆتیارێن دەڤەرداریا ئاكرێ و بەردەڕەشێ دێ گەنمێ خۆ بەنە سایلۆیا رۆڤیا».
