ئەڤ نیشانە بەری جەلتا مەژی دیاردبن
هندەك نیشان بەری جەلتا دلی ل دەڤ مرۆڤی پەیدادبن و فەرە مرۆڤ هشیاری وان نیشانان بیت، نۆشدارەكێ تایبەتمەندێ دلی ل روسیا پشتڕاستكریە كو سەرئێشانا دژوار و بلندبوونا فشارا خوینێ رەنگە ئاماژەیەك بن بۆ نێزیكبوونا جەلتا دلی یان جەلتا مەژی.
ل دووڤ پەیامەكێ كو هاتیە بەلافكرن ل مالپەڕێ« ئاژانسا پەیامێن عیراقی»، یارۆسلاڤ ئاشیخ مین نۆشدارێ تایبەتمەندێ دلی راگەهاند،»رەنگە بەری جەلتا مەژی سەرئێشانەكا دژوار دروست ببیت، لەورا د وی حالەتی دا دڤێت چاڤدێریا ئاستێ فشارا خوینێ بهێتەكرن، ئەگەر ل 90/140 ملم زێدەتر بیت، ئەڤە ئاماژەیە بۆ حالەتەكێ مەترسیدار.
ئەو تایبەتمەند دبێژیت: ئازار و تەنكبوونا ماسولكێن دلی و جەلتا مەژی، تووشی جگارەكێشان و ئەوان كەسان دبن كو كێشا وان یا زێدەبیت و قەلەوی و بلندبوونا فشارا خوینێ هەبن، رێنمایان ددەت كو چاڤدێریا ئاستە كۆلیسترۆلی د خوینێ دا بكەن، بۆ هندێ ئاریشە ل دلی دروست نەبن ژئەگەرێ گرتنا خوینبەران دا.
هەر ب گۆتنا وی نۆشداری، پێدڤیە سالانە پشكنینا پزیشكی بكەن و چارەسەریا پێدڤی وەربگرن، ب مەرەما كێمكرنا ئەگەرێ تووشبوونێ ب سڕبوونا ماسولكێن دلی و جەلتا مەژی.
