ئەڤ چ خوەشكبوونە ل سەر تە؟
دەمهات دێركی
دیاری بۆ ئامینا تالج دەما كو سانسكی مۆست ب وێ خوەشك دبە
دەما ئالبۆما سانسكی مۆست ڤەدكم
د هەموو وێنەیا دە خوەشكبوونا تەیە
ل كیژان ئالی مەیزە دكم تویی..
چەمێ سانا ژی ب دیتنا تە رادبە
سەر پێلان، ژ خوەشكبوونا تە رە
دیلانێ دكە
دە كا بێژە من كەچا سانسكی
مۆست ئامینا ئەڤ چ خوەشكبوونە ل سەر تە؟
گەر تو نەبێژی
ئەڤ باژارێ ژ خوەشكبوونا دلێ تە
ژ خوەشكبوونا روویێ تە رۆناهی ددە دبێژە،
گەر تو نەبێژی
كەنێ تەیێ دەنگ كەمانی
كو خەمرەڤینە دبێژە،
گەر تو نەبێژی پۆرێ تەیێ رەنگ گەنمی
چاڤێن تەیێن رەنگ دەریایی زمانێ ڤی باژاری نە.
ل ڤی باژاری
پەیڤێن ژ فەرهەنگا خوەشكبوونێ
ل جڤاتا كۆم دبن بەهسا تە دكن،
ل كۆلانان تە دشۆپینن
ل پەی خوەشكبوونا تە دمەشن.
ژبیر نەكە ئامینا خوەشكۆك
تو هەلبەستا ڤی باژارییی
تو سترانا ڤی باژارییی
تو چیرۆكا خوەشكبوونا ڤی باژارییی.
لەوما
دەما تو خاتر دخوازی
ئەڤ باژار مەلوول دبە
ئەڤ باژار خەمگین دبە
ئەڤ باژار تاری دبە
و چەمێ سانا بێ دەنگ دبە،
ئەڤ چ خوەشكبوونە ل سەر تە ئامینا.
