ئەڤ کارە ل زاخۆ ناھێتە کرن ئەگەر رازیبوونا باژێرڤانیێ ل سەر نەبیت
ئەڤرۆ نیوز، عەلی حاجی :
برێکارێ سەرۆکێ باژێرڤانیا زاخۆ بۆ رۆژناما ئەڤرۆ دیارکر ل دووڤ نووترین بریار ژ لایێ پارێزگەرێ دھۆکێ بۆ ھەموو رێڤەبەریان ھاتیە رەوانە کرن نابیت ئێدی چو عەردەکێ سەر ب رێڤەبەریێن حکومەتێ ل سنورێ ماستر پلانا باژێرڤانیا زاخۆ دا بھێتە ئاڤا کرن ھەتا باژێرڤانیا زاخۆ رازیبونێ ل سەر بدەت.
ئەندازیار دیندار سالم زێدەتر گۆت : دو جاران ب رێکا دو نڤیساران مە ئەڤ داخازە رەوانەی رێڤەبەریا گشتیی یا باژێرڤانیان ل پارێزگەھا دھۆکێ کر و ل دووڤ را ب رێکا پارێزگەرێ دھوکێ ئەو رێنمایە بۆ ھەمی رێڤەبەریێن قەزا زاخۆ ھاتیە رەوانەکرن ئێدی نابیت چو کار د سنورێ ماستەر پلانا باژێرڤانیا زاخۆ دا بھێتە ئەنجام دان ھەتا رازیبونا باژێرڤانیێ بھێتە دان و نوکە ئەڤ بریارە چوویە دبوارێ جێبەجێ کرنێ دا.
ناڤھاتی زێدەتر گۆت : مە ئەڤ داخازا ژبەر وێ یەکێ کر گەلەک پارچە زەڤیێن سەر ب رێڤەبەریان ڤە وەکو گرێبەست ب وەلاتیان د ھاتنە دان و باژێرڤانیێ ئاگەھی ل سەر نەبوو، ئەو چەندە دبو ئەگەر ماستەر پلانا باژێرڤانیێ بھێتە تێکدان، خوەش بەختانە ئەڤ داخازی یە ھاتە وەرگرتن و نێزیکی حەفتیەکێ یە رازیبون ل سەر وێ داخازیێ ھاتیە دان .
