ئەکادیمیا پێشمەرگە نوونەرا پارێزگەھێ یە د رۆژا ئالایی دا
ئەڤرۆ نیوز، محەمەد عەلی نوری:
ل ژێر دوریشمێ پێشمەرگە سومبۆلا کوردستانێ یە دھێتە چاڤەرێکرن ئەڤرۆ رۆژا دوشەمبی ل ھەولێرا پایتەخت ژ چوارچۆڤێ فیستڤالا رۆژا ئالایی تیما ئەکادیمیا پێشمەرگە یا تەپاپێ پشکداری یاریەکا ھەڤالینی بیت د گەل ئەکادیمیا یانا ھەولێر، ئەوا سالانە ژ لایێ گرۆپێ ئالا و کۆمپانیەکا ئەھلی ڤە دھێتە برێڤەبرن وەکو بیرەوەری و ساخکرنا رۆژا ئالایێ کوردستانێ یێ پیروز.
کاروان سەباح راھێنەرێ ئەکادیمیا پێشمەرگە بۆ ئەڤرۆ نیۆز گۆت: “پێخووشحالین کو ژ پارێزگەھا دھۆکێ ھاتینە داخوازکرن بۆ ساخکرنا بیرەوەیەکا پیروز و ب بوھا، شانازیە یاریزانێن پارێزگەھێ د ناڤ فیستڤالێ دا ئالایێ کوردستانێ بلند بکەن و ناڤێ پێشمەرگەیی ب بەر سینگێ مە ڤەبیت”.
ل دووماھیێ ناڤھاتی گۆت: “نە یاگرنگە ئەنجامێ یاریێ بەلکو پشکداری د رۆژەکا پیروزدایە و ل پایتەختێ کوردستانێ”.
