ئەکتەرەکا کورد دێ پشکداریێ د فلمەکێ جیھانی دا کەت
ئەڤرۆ، شاکر ئەتروشی:
ئەکتەرا گەنج (شەھناز شەریف) د دیدارەکێ دا بۆ رۆژناما ئەڤرۆ دیارکر کو بەری (٢٣) سالان ئەو ل باژێرێ شامێ ل رۆژئاڤایێ کوردستانێ ژ دایکبوویە، ھەر ل وێرێ حەزا کارکرنێ د بۆارێ ھونەری دا بۆ چێبوویە و ب شانۆیێ دەستپێکریە و بۆ پتر خزمەتکرنا بۆارێ ھونەری ب شێۆێ ئەکادیمی بۆ دەمێ سێ سالان دبۆارێ زانستێن سینەمایی و دەرھێنانێ دا خواندبە، دووڤدا ھاتیە ھەرێما کوردستانێ و نێزیکی سالەکێ یە ل باژێرێ دھۆک دژیت.
شەھنازێ گۆت: ژیێ من ھەڤدە سال بوون دەمێ ئەز ھاتیمە سەر دەپێ شانۆیێ و وەک ئەکتەر من پشکداری د شانۆگەریەکێ دا کری و ھەتا نوکە من پشکداری د چەندین شانۆگەری و کورتە فلم و فلمێن سینەمایی و پێنج شانۆگەریێن تایبەت ب زارۆیان ڤە کریە، ھەر ل رۆژئاڤایێ کوردستانێ من کارێ دەرھێنانێ بۆ دو فلمێن عەرەبی کریە ئەو ژی (الیوم الاخیر و تحول من نوع اخر) وان ھەردو فلمان پشکداری د چەندین فیستەڤالێن جیھانی دا کریە و بەری سالەکێ ژی ئەز ھاتمە دھۆکێ و نوکە وەک وێنەگر ل وار تیڤی کاردکەم، ھەر ل وار وەک ئەکتەر من پشکداری د دراما (تەحل و شرین) دا کریە کو ژ بەرھەمێ وی کەنالی و ھەموو رۆژێن پێنجشەمبی دھێتە نیشادان، ھەر ل دھۆکێ ئەزا پشکدارم د درامەیەکا دی دا کو ژ دەرھێنانا ھونەرمەند حسێن حەسەن و نوکە یا د قوناغا کاری دا، و من دو کورتە فلمێن دی چێکرینە، یێ ئێکێ ب ناڤێ مەمێ ئالان و یێ دویێ ژی ل دۆر پرۆسا ئەنفالێن رەشە و دووماھی کار ژی نوکە وەک ئەکتەر یا پشکدارم د فلمەکێ جیھانی دا ب ناڤێ ئۆم.
ل دووماھیێ گۆت: مە گەلەک کچێن خودان شیان دبۆراێ ھونەری دا ھەنە لێ کەس ھاریکاریا وان ناکەت و ھەکە پشتەڤانی ل وان بھێتە کرن دێ بەرھەمێن باش چێکەن، چنکو وەک ھونەر چو جوداھی دناڤبەرا کوڕی و کچێ دا نینە.
