ئەگەرێن وەریانا پرچێ کچان
ئەڤرۆ نیۆز،زنار تۆڤی:
د هەردو رەگەزان دا و ب گشتی دەمێ بەرەف ژیەکێ مەزن ڤە دچن،پرچ پتر د وەریێت،بەلێ دەمێ پرچێ کچەکا گەنج دەست ب وەریانێ دکەت،دێ بیتە ئەگەرێ خەمگینیێ و گوشارا دەروونی ل سەر وێ کچێ،چونکی دڤی تەمەنی دا پرچی بوهایەکێ زۆر ل دەف کچان هەیە بۆ پاراستنا جوانیا وان.
د تەمەنێ لاوینیا پشکەکا بەرچاڤ یێ کچان دا، یێ ڤالا نینە ژ خەمێن تەنکبوونا پرچێ وان،نووچەیێ خۆش ژی ئەوە کو زۆر جاران چارەسەری یا هەی،ئەڤەژی ئەگەرێن سەرەکی یێن وەریانا پرچێ کچانن.
.هورمۆن
د جەستەیێ کچێن گەنج دا هۆرمۆن د بەرزی و نزمیێ دانە،ئەڤ بەرزی و نزمییە وەکی چاوان کاری ل گەشە و هەست و سۆزا وان دکەت،وەسا کاری ل گەشە و بێ هێزیا موویان ژی دکەت،هۆرمۆنێ بەرپرس ژڤی حاڵەتی پێکهاتیە ژ هۆرمۆنێ تێستۆستیرۆن کو ب هۆرمۆنێ نێرینە یێ ناسیارە و ب رێژەیەکا بلند د زەلامان دا هەیە، بەلێ جەستەیێ خانمان ژی رێژەیەکا کێمتر ژ ڤی هۆرمۆنی تێدایە.ئەڤ هۆرمۆنە ژلایێ ئەنزیمەکا دوهنی یا رژینەر موویان دگوهۆریت بۆ جۆرەکێ کو ب دایهادرۆ تێستۆستیرۆن ناسیارە،ئەڤە ل دوماهیێ دبیتە ئەگەرێ هەلوەرینا پرچی.
لەورا ل دەمێ بلندبوونا ئاستێ ڤی هۆرمۆنی،پرچێ کچان د وەریێت و تەنک دبیت،لێ دەمێ گەهشتنە تەمەنێ پێگەهشتنێ دێ ئەڤ هۆرمۆنە باڵانسا خوە وەرگریت،ئێدی کچ دێ کێمتر هەست ب رووتبوونا ب لەز یا پرچێ خوە کەن.
.دەرمان
هندەک دەرمان هەنە د هەر ئێک ل لاوان و پێگەهشتیان دا دبنە ئەگەرێ رووتبوونا پرچی،د خانمێن لاودا ئەو دەرمانێن هۆرمۆنی یێن بۆ روو ب روو بوونا لێکەفتنا (PCOS) ب کاردهێن،ئەگەرەکێ سەرەکییە.
.خوارنا نە دروست
گەنجێن نوکە ل جهێ کەسکاتی و فێقی بخۆن،مژیلی خوارنا وان خوارنێن دەستکردێن شرین و دوهنیاتانە، ئەڤەژی موو یێن وان تووشی بەدخۆراکیێ دکەت،لاواز و بێ هێز دکەت،هندەک جاران ژی رجێما زۆر یا خوارنێ دبیتە ئەگەرێ بێبەشبوونا جەستەیی ژ ڤیتامین و کانزایێن پێدڤی.
.ستایل
بۆ رێکرنا ل گەل رەوتێ مۆدێلا و ستایلێ ئەڤرۆ،کچێن گەنج پەنایێ دبەنە بەر ب کارئینانا ئامیرێن گەرمکرنا موویان،یان ژی توند گرێدانێ، ئەڤە هەموو رێکێ خۆش دکەن بۆ هشکبوون و نازکبوونا موویان بۆ وەریانێ.
.نەخۆشی
هندەک جاران وەریانا موویان ئاماژەیە بۆ نەخۆشییەکا دی یا جەستەیی،بۆ نموونە نە تەمامبوونا رژێنا دەرەقی، شەکر،نەخۆشیا پیستی،نە تەمامبوونا پستێ سەری و هندەک حالەتێن دەروونی،کو تێدا کەسەک بێی کو سەرنجا تەمام ل سەر خوە هەبیت،دێ موو یێن سەرێ خوە هەڵکێشیت.
