ئەگەر خەلكی نانەك هەبا دا دەنە پێشمەرگەی و زارۆكێن خوە دهێلانە برسی
ديدار، سالار محةمةد دؤسكى:
4-4
(حەجی قەسیم) گۆت: ل سالا 1947ێ دەمێ كومارا كوردستانێ تێكچووی خودێ ژێ رازی (مەلا مستەفا بارزانی) ب هێزەكا مەزن ڤە هاتە گوندێ مە و چەند رۆژان مانە ل گوندێ مە، و دووڤ دا جەنابێ وی بریارا خوە دا و گۆتن دێ چینە (روسی) وی دەمی گەنج بووم و خودێ ژێ رازی بارزانی تشتەك ژ بەریكا خوە ئینا دەرێ و گازی مامێ من كر و گۆتێ ئەڤە ئەمانەتێ من ل دەف تە و ئەو تشتێ دایە ڤێ دناڤا پاتەكی دا یێ پێچای بوو و كەسەك ژ مە و هەتا مامێ من ژی نەدزانی ئەڤە چیە؟ و گۆت ئەڤە ئەمانەتێ من ل دەف تە ئەگەر زڤرین ئەمانەتێ من بزڤرینە ڤە، ئەگەر نەزڤرین چنە، مامێ من پشتی وەرگرتنا ئەمانەتی ئەو ئەمانەت كرە دناڤا شقلێن بانی را و پشتی چەندین سالان مە سحكرێ كا ئەو چ ئەمانەتە و مە ڤەكر مە دیت باسكەكە و مامێ من جگارەك پێ كێشا و جارەكا دی مە دانا جهێ وی ڤە و پشتی زڤرینا بارزانی ژ روسی و ڤەگەریان بۆ ئیراقێ و زڤریە بارزان ئەم چەندین كەسایەتیێن گوندی مە گۆت دێ سەرەدانا جەنابێ بارزانی كەین و دێ ڤی ئەمانەتێ وی ژی گەهینێ و دەمێ چووین زێرەڤانەك چوو ژوور و گۆتێ خەلكێ گوندێ(بایێ) هاتینە و ئێكسەر پێشمەڤە رابوو و گەلەك قەدرێ مە گۆت و دەمێ چووینە ژوور مە گۆتێ قوربان ئەڤە ئەمانەتێ تە مە ئینایە و دەمێ بەری چەند سالان بچیە روسی ل گوندێ مە ل فلان جهی تە ئەڤ ئەمانەتە رادەستی مە كربوو و مە وەك چاڤێ خوە پاراست بوو و ئەڤرۆ مە ب سلامەتی بووتە ڤەگەراند و گەلەك كەیفا وی هات و ئەڤە ژ وی دەمی وەرە و هەتا ئەڤرۆ مە تێكەلی ل گەل ئێك دو هەیە .
هێشتا گۆت: ئەم چەند هەیڤان ماینە ل سەر سنوری و چیایەكێ بلند بوو و رەنگ ئەو بلندترین چیا بیت ل هەر چار پارچێن كوردستانێ و گەلەك جاران هوسا بەفر دهات و رەنگە دو مەتران بەفر كەتبا وی دەمی هەڤالەكێ من ل گەل من بوو بناڤێ (محەمەد سلێمان سلێڤانەی) یێ نەخوش بوو وقەلەو بوو و من نەدهێلا و ئەو مالا ئەم چووینێ كو گیز و باهیف داینە مە من هندەك كرنە دبەریكا خوە دا و هەر دەمێ من گیزەك یان باهیڤەك خواربا من دا وی ژی و ئەو یێ نەخوش بوو و نەدشیا ب رێڤەبیت، ب سەر وی چیایی كەفتین و باروڤێ ل مەدا و تورك بێژنە وی چیایی (جیلو) و كورد بێژنێ (چیایێ ساتێ) باروڤێ ل مە دا و پێشی یا هەڤالێ خوە چووم و پشتی باروڤە نەمای ئەم ل هەڤالێن خوە بەرزەبووین و ل سەرێ چیایی ئەز و (محەمەد سلێڤانەی) بووینە دو بۆچوون و هەر ئێك ژ مە گۆتی یێ دڤێرا چووین و ئەم ژێك جودا بووین و دووڤ دا من دەوسا هەڤالێن خوە دیت و من گازیكرە هەڤالێ خوە (محەمەدی) و هات و من گۆتێ پێن خوە سڤك بكە و مە هەڤالێن خوە گەلەك ژ دیر ڤە دیتن و نێزیكی (13) دەمژمێركێم (15) خولەكان ب پیان چووین و بێ خوارن و ڤەخوارن و بتنێ هندەك كاكلێن گیزا مە دخوارن و ئەو هەڤالێ من گەلەكێ نەخوش بوو و چەپەكێ زڤریم من رۆناهیەك دیت و ڤەمریا و من هەمان دەم دەست قوتان وی دەمی ئەم ژ خوە دبێ هیڤی بووین و من گازیكەر هەڤالێ خوە (محەمەد)ی من گۆتێ ئێدی نامرین و چەند نێزیك بووین دەنگێ مرۆڤان تێك و مە نێزیكی (20) زەلامان دیتن و گەهشتنە من و سلاف كرن من گۆتێ ب سلامەتم بەلێ هەڤالێ من (محەمەد)ێ ب رێكێ ڤە و هات بوونە هاریكاریا مە بكەن و هەڤالێن مە ئەوێن بەرا مە گەهشتین ئەو ئاگەهدار كربوون كو دو كەسێن دی برێڤەنە و بوومە ئاڤا گەرم و بەتەنی ئینابوون و ئەڤە خەلكێ گوندی بوون و هەڤالێن مە فرێكربوون دگۆتنە وی گۆندی (بایێ) و خەلكێ وی گوندی هاریكاری یا مە كر و ئەم ماوەكی ل گوندی ماین.
پێشمەرگێ شۆرەشا گولانێ (جەهەوەر نەمر خدر)، زێدەتر گۆت: پشتی هەوا ئەنفالا ئەم ل دەڤەرا دۆسكی ژووری یا بووین و حوكەتا ئیراقێ هێزەكا گەلەك مەزن ئینا دەڤەرێ و ب فرۆكان هاتنە مە و لەشكرێ توركیا سنور گرت و ئەم (11) رۆژان ب وی رەنگی ماین و مە نەدشیا بچینە سەر ئاڤێ و خوارن نەبوو، گوندێ( ساتێ) هندەك جاران درەنگی شەڤ نان و برنج و ئاڤ بوومە تینا مە دخوار و بەری مەدخوارن و دەمێ فرۆكێن ئیراقێ لەشكر بەردایە خوار ئەم ل لقێ ئێك (21) پێشمەرگە مابووین، ئەم سێ پێشمەرگە ل بەر رووباری روینشتین و هەر دو هەڤالێن من ئامیرێ لاسلكیێ ل گەل بوو و جانتەكێ پاران ل گەل من بوو و ژ نیشكەكێ ڤە لەشكەرێ توركی هەمی بەرامبەر مە رابوون، ئێك دناڤا وی لەشكری دا بوو بناڤێ (نەجمەدین) یێ ئورەماری بوو وپێشتر دانوستاندن ل گەل مە هەبوو هاتن و چوون دكر و دەنگ و باس دگەهاند و گازیكر و گۆت خوە بدەنە ئالیەكی ئەز ترسم گولەك ژ دەستێ لەشكەرەكی بدەركەڤیت و نەشێین كونترۆلێ ل سەر بكەین و گۆت هەرنە دڤێ شیفكێ دا بلا هەوە نەبینن و بارانەكا خوش دهات و ئەم هەرسێ پێشمەرگە ب سەركەفتین و جیهازێ لاسلكیێ ل گەل جانتەكێ پارا ل گەل مەیە و مە بخوە ئاگرەك كر هەتا بوویە شەڤ و هەڤالێن مە گازی مەكرن چووینە خوار كەڤرەكێ گەلەك ئاسێ بوو و قەدەغە بوو روناهی بهێتە هەلكرن وێ شەڤێ مە جلكێن خوە ژبەر خوە كرن و مە دەستێن ئێكدو گرتن و مە ل ئاڤێ دا چووینە ئالیێ دی كو توركی بوو و گەلەك دبرسی و تهێنی بووین و ب سەرچیای كەفتین و كەتینە زوومێن ئورەمارێ و هندەك هەڤالێن مە پێشتر گەهشت بوونە دەڤەرێ و هندەك نان ب دەست كەفت و دووڤ دا ئەم گەهشتینە دەڤەرێ هەر ئێك ژ مە هندەك نان ب دەست كەفت یان نە و مە خوار و ل گوڤەكێ ڤە ئەم نڤستین و سپێدێ رابووین چوینە سەر كانیەكێ مە خوە پاقژكر و دووڤ دا بۆ شەڤ و ئەم گەلەك برسی بووین و هەڤالان گۆتن دێ ژ برسا مرین و ئەو دو رۆژ بوو مە خوارن و ڤەخوارن نەخواری و ئەم چووینە گەلیێ (ساتێ) و مە ئاگر كر و مە هندەك چلیبر دیتن و مە خوارن ژ خواست ئەواژی گۆت مە نینە و نەچاربووین بچینە بەریان و مە بۆ هەڤالێن خوە ژی بەری ئینان و ئەم درێژ كربوون و دەلیڤەكێ مە دیت فرۆكە هاتن و گەلەك خوە چەماندن و لەشكر بەردا خوارێ و مە خوە پاراست و ئەم ماینە گەلی و هندەك جاران وی گۆندی بوومە خوارن تینا.
پێشمەرگێ شۆرەشا گولانێ (جەوهەر نەمر خدر)، گۆت: گەلەك كەیفا من هات دەمێ ل سالا 2003 رژێما سەدام حسێنی من دیتی كەفتی و ئێدی مە هەست ب ئازادی و تەناهیێ كر، دیسا ل سەرهلدانا پیرۆز ژی دەمێ هاتیمە ناڤ خێزانا خوە ژی گەلەك كەیفا من هات، لێ نووچێ نەخوش بوون وی دەمی ئەو بوو دەنگۆیێ وەغەركرنا دایكا من بوو و گەلەك پێ نەخوش بووم.
