ئەگەر محسن: دڤێت مافێ دادڤانان یێ پاراستی بیت
شاهۆ فەرید:
د داخویانەکێ دا ئەگەر محسن ئێك ژ دادڤانێن پارێزگەهێ و پشکدار د ڕێڤەبرنا یاریێن خولا کوردستانێ و ئیراقێ بۆ رۆژنامەیا ئەڤرۆ دیار کر دادڤان تووشی گەلەک ئاریشە و ئاستەنگان دبن و هێرشێن ژلایێ جەماوەری، لێ ژبەرکو لدووڤ یاسا و ڕێنمایێن فوتبۆلێ دچیت هەردەم یێ سەرفەرازە و دڤێت مافێ وان ژی بهێتە پاراستن.
زێدەتر ناڤهاتی گۆت: ل ماوەیێ بۆری هندەک دادڤانان بڕیارا بایکۆتا برێڤەبرنا یارییا کربوو، لێ بەرسڤا مە هاتە دان و کوژمەکێ پارەیێ مەیێ هندەك یاریا مابوو ئەو هاتنەدان، هێشتا یێ وەرزێ بوری دیار نینە کا دێ کەنگی هێتە پارڤەکرن، فێدراسیۆنا ئیراقێ ژی دڤان رۆژن دا دێ پارەیی وەرزێ بوری پارڤەکەت لێ دیار نەکرینە کەنگی.
ئەگەر محسنی گۆت ژی: ژبەر کێشەیێن دارایی یێن هەرێمی پارەیێ مە گیروو دبیت تایبەت یێن پلا نایاب و ئێکا کوردستانێ، ئاریشەیێن دگەل فێدراسیونا ئیراقێ کێمترن ژ یێن کوردستانێ، ئەڤە سێ وەرزە یاریا برێڤە دبەین تنێ یێ وەرزیێ ٢٣-٢٤ ژ نوو بۆ مە هاتنەدان، لدووڤ گوتنیێن وانا جهێین شولەژیێ بۆ مە بودجەی تەرخان ناکەت دا پاداشتیێن مە بهێنەدان، دخوازین مافێن دادڤانان پاراستی بن چونکۆ ئەڤە ماوەی چەندین سالە ئەم خزمەتا وەرزشا کوردستانێ و ئیراقێ دکەین، دڤێت گازندەیێن مە هەین زووکا دۆڤچوونێ بۆ بکەن دا ئەم ژی بێ بەهرنەبین ژ مافێین خوە، ئەم بەردەوامین ژی لسەر کاریێن خوە بەردەوام یاریێن خولان ئەنجامدەین
