ئەیهەم جامی: مە بەرهەڤییێن باشتر بۆ خولا کوردستانێ کرینە
د دیدارەکێ دا ئەیھەم جامی سەرۆکێ یانەیا باتیفا بۆ ڕۆژنامەیا ئەڤرۆ بەحسێ پڕۆژە و بەرھەڤییێن یانەیێ بۆ خۆلا نوو یا پلا دو یا کوردستانێ بۆ یارییا فوتبۆلێ کر و پشتی گازندە و ئاریشەیێن یانەیێ ب گشتی ھاتینە چارەسەرکرن گۆت: بۆ وەرزێ نوو بەرھەڤییێن باشتر کرینە و ئەڤ سالە بەردەوام کار ل سەر پلانەکا ڕێکوپێک و جوداتر بۆ یانەیێ کەین.
زێدەتر ناڤھاتی گۆت: پشتی لایەنێن پەیوەندیدار ھاتینە سەر خەت ئیدارەیا سەربەخۆیا زاخۆ و قایمقامێ قەزا باتیفا پشتەڤانییا خوە بۆ یانەیێ دیارکری، کارگێرییا یانەیێ بڕیار دا کۆمبوونەکێ ئەنجام بددەین و ئەڤ سالە ب شێوەیەکێ جوداتر کار ل سەر پلانەکا باشتر و بەرفرھتر خوە ئامادەبکەین بۆ خۆلا کوردستانێ و ئەڤ سالە ژ ھەمی سالێن بۆری مە بەرھەڤی کرینە، و ئەم ب ھیڤینە دەستپێکێ و دووماھیێ ھەر سەرکەفتنە بۆ پلا ئێك، ئەڤجا ئەم نا ڕاوەستن ھەتا بگەھنە ئارمانجا خۆ.
ناڤھاتی د بەردەوامییا ئاخفتنا خۆ دا ئاشکرا ژی کر: ھەروەسا کۆرێ باژێرێ سێمێلێ ڕاھێنەر غەریب حەسەن یوسف و کاپتن ئاشتی عومەر و ئەحمەد ئەنوەر ئەڤ سالە دێ ل گەل مە بەردەوام بن، پیشەکارێن ئەڤ سالە چار درستن گەل یانەیێ بن، مە یێت پێش چاڤکرین، لێ لدویف پلانێ دو ژ وان هاتینە ژێگرتن یان ئینینن، لەوڕا مە دڤێت یێت باش بینین ئەو بن ئەوێن بشێن تیمێ ڕاگرن.
سەرۆکێ یانەیێ گۆت ژی: د نوکە دا یاریزانێن ژ دەرڤە ژی مە یێن ھەین و پێنج یاریزان یێت زاخۆ نە و گۆلپارێز ل ئاکرێ دێ ھێتن و دوزدە یاریزان یێت باتیفێ بخونە، ھەروەسا چەند یاریزانێن دویتر ژی مە یێت بەرچاڤکرین ھندەک ژ وان دەرڤەی کوردستانێ و ئێراقێ بن و دبیت ئێراقێ ژی دا بن، لەوڕا نوکە ئەم ڤەکولینێن باشتر ل سەر دکەین و لدووف بۆچوونا ڕاھێنەری یێت باشتر دێ ئامادەکەین دا ببنە ئەگەرێ ھندێ سەرکەفتنێ بینینن.
ئەیھەم دیار ژی کر: پەیاما من بۆ حەزژێکر و پشتەڤانێن یانەیا باتیفا ئەوە حەزژ یانەیا خوە بکەن و ھاریکار و پشتەڤانێن یانەیا خوە بکەن دا بشێن ئاستەکێ باشتر پێشکێش بکەین، ھەکەر د ھاریکاربن ل گەل مە ئەم پێکڤە دێ شێن بزاڤێن جوداتر، دلڤەکەرتر و باشتر بۆ جەماوەری بۆ یانەیا خوە کەین، ژ بەر کو رووحیەتا ھەمی یانەیا پشتەڤانە لێ ھەکەر یانەك پشتەڤان نەبیت چ تام نینە، ژ بەر کو یانەیا باتیفا خودان پشتەڤان و جەماوەرەکێ باشە ئەم ب ھیڤینە ئەڤ سالە دێ شێن دلێ جەماوەرێ خوە خۆشکەین.
