ئەی ڕیڤینگێن ژ ئاخفتنا سەر پێ دەرباز دبن
محمود درویش
ناڤێن خۆ هەلگرن و دەمژمێرێن خۆ ژدەمێ مە ڤەكێشن و هەڕن
هەرتشتەكێ هەوە بڤێت ژشیناتیا دەریایێ و خیزێ بیرهاتنێ ببەن,
هەوە چەند دڤیـت ژوێنەیان.. داكو بزانن هوین نزانن ..
چەوا بەرەك ژعەردێ مە دێ بانەكی بۆ ئەسمانی چێكەتن
ئەی ڕیڤینگێن ژئاخفتنا سەر پێ دەربازدبن
شیر ژهەوە و خوینژی ژمە.. فولاز و ئاگر ژهەوە ..وگوشت ژی ژ مە
ژهەوە تانكەكا دی و ژمە بەرەك. ژ هەوە بومبەكا گازێ و ژمە باران
ئەوێ مە هەی ژئەسمانی و هەوای ..
پشكا خۆ ژخوینا مە ببەن و .. بەرەڤ ئێڤاریا ئاهەنگا دانسێ هەرن
لسەرمە ئەوە گولا شەهیدی بپارێزین و چەوا مە بڤێت ئەم بژین
ئەی ڕیڤینگێن ژئاخفتنا سەر پێ دەربازدبن
وەكی تۆزەكا تال بۆ هەر جهەكی هەوە بڤێن دەربازبن
لێ وەكی خشوكێن فرۆك دناڤبەرا مەدا دەربازنەبن
مە یێ هەی لسەر عەردێ خۆ كاربكەین
مە گەنمەكێ هەی ب خوها لەشێ خۆ ئاڤبدەین و چاڤدێری بكەین
ئەو تشتێ ب دلێ هەوە ل ڤێرێ مە نینە . بەر ..یان چیچك .. ئەگەر هوە بڤێت
ڕابردوی بەرەڤ باژێرێ موزەخانێ ببەن.
ئەگەر هەەوە ڤیا پەیكەرێ هەستیێ هودهودی
لسەر ئامانەكێ فەخفوری بزڤڕیننەڤە ..
ئەوێ مە هەیی هەوە رازینا كەتن ، مەپاشەرۆژ و عەردەكێ هەی لسەر كاربكەین
ئەی ڕیڤینگێن ژئاخفتنا سەر پێ دەربازدبن
ئاشۆپێن خۆ دناڤ كوركەكا چولدا كومبكەن و دەربازبن
میلێ دەمی بۆ یاسابوونا گولكا پیرۆز بزڤریننەڤە
یان بۆ دەمڤەنانا موزیكا دەمانجێ . دەربازبن ئەوێ مەهەی لڤێرێ هەوە رازی نا كەتن
ئەوا لدەڤ مە هەی ل دەڤ هەوە نینە : وەلاتەك و مللەتەكە خوین ژێ دباریت
وەلاتەكە بۆ ژبیرڤەكرنێ و بیردانكێ ب كێر دهێتن
دەم هات هوین باركەن . ئاكەنجیبن ل هەرجهەكێ هەوە بڤێت
لێ دناڤ مەدا ئاكەنجی نەبن .دەم هات هوین یچن.
ول هەرجهەكی هەوە بڤێت بمرن ، لێ دناڤ مەدا نەمرن
مە عەردەكێ هەی لسەر كاربكەین .و لڤێرێ مە رٍابردو
ودەنگێ ژیانا دەسپێكێ یێ هەی
ونهو ونهو و پاشەڕۆژ و دونیا و دیماهیك یا هەی
ژعەرد و بەیار و دەریایامە دەركەڤن
ژگەنم و خوێ و برین و ژ هەمی تشتێ مە دەركەڤن و
ژهەمی تاكەیێن بیردانكا مە دەركەڤن.
وەرگێران ژ عەرەبی بۆ كوردی: مستەفا سلیم ئاكرەیی
