بابێ من ب تەختێ زیندانێ ڤە دهاتە گرێـدان و ئەشكەنجەدان
سالار محەمەد دۆسكی:
3-7
من دناڤ كاغەزا خوە دا بۆ دیاركر كو پێدڤی ب هێزێ مە و مرۆڤەكێ مە (عەبدولرەحمان) بابەتێ وی ئەڤە یە و كاغەزا من بر و سپێدێ زڤریمە ڤە و چوومە بارەگایی دیسا كەسەك ل وێرێ نینە و من پرسیارا ئێكی كر و من گۆتێ نوزا (ناجی) مایە ل ڤێرێ نەمایە ل ڤێرە؟ (ناجی) ئەو بربوون و من ژی تڤەنگا خوە هاڤێـتە ملێ خوە و ب سەركەفتم و چوومە (دیلكا) و چوومە مالا كەسەكی و مخابنی ڤە ناڤێ وی نەمایە ل بیرا من و گۆت تو ژ كیڤە دهێی؟ من گۆتێ كەسەك ل ڤێرە را نەهایە و چوویە گۆت بەلێ شفێدی ئێك هاتیە و دەربازبوویە و چوویە ئەرەدنا و من گۆتێ كی ژ وێرێ هاتیە؟ ئەوا گۆتن موختار هاتی و ئەگەر موختار حەز بكەت ئێكی ببینت دێ ئەو بێژیت كا چ بوویە و چ نەبوویە و من گۆتێ ئەز ئێكم ژ مەغفەرا دەرگەلێ و چووم من موختار گازی كر كا وەرە موختار تە چ دیتی یە و چ نەدیتی یە؟ گۆت باوەر بكە (عەبدولرەحمان) هاتیە و كاغەزەك بۆ لیوا سەرسنگێ نڤێسی یە و ناڤەرۆكا كاغەزێ خوە رادەستكرنە و داخاز كریە ترۆمبێل بۆ بهێنە ئەرەدنا و بهێنە خوارێ چونكە ترۆمبێل هەتا ئەرەدنا دهاتن و ژ وێرێ پێ ڤە نەدهاتن و ئەو چاڤەرێی هاتنا ترۆمبێلێ دكەت دا ل سوار بیت و بەرەڤ سەرسنگێ بچیت و من گۆتە موختاری كا كاغەز؟ گۆت ئەڤە من كاغەز هەلگرت و مامە ل وێرێ هەتا درەنگە، ئێڤارەكا درەنگ من بەرێ خوە دایێ ئەو جماعەتێن (حەسەنێ ستیێ) ئێك ل گەل بوو ناڤێ وی (ئەحمەد) بوو یێ بەرا وا سلاڤكر و مە سلاڤا وی ژێ وەرگرت و من وی (ئەحمەد)ی ئێك و دو ن یاسی و گۆت كاك (عەلی) ئەڤە چ بوویە و من گۆتێ باوەر بكە ئەز نوزانم و ئەز هنارت بوومە (خانكێ) دا خەلكێ وی گۆندی ئاگەهدار بكەم ل سەر دەعوێ و زڤریم ل سەر بابەتی هەلبوویمە و بابێ رەوشا بارەگایی پشتی زڤرینێ من شرۆڤەكر، متن گۆتێ موختارێ گوندێ( ئەرەدنا) ل ڤێرێ یە و ئەم دێ گازی وی كەین و دێ بێژینێ دێ ب شەڤێ چینە مالا هەوە و پشتی مە گازی موختاری كری مە گۆتێ( عەبدولرەحمان) ل مالا هەوەیە گۆت ئەرێ ولله و مە گۆتێ ب شەڤێ و پشتی نڤێژا عەیشا تو دێ دەرگەهی قوتی و ئەو دێ بێژیت توكی؟ تو بێژی ئەز موختارم و دێ دەرگەهی ڤەكەت و دێ بێژیێ ئەزێ بووتە چوویمە فرقێ و من بەرسڤا ناما تە ئینایە، و من گۆتە (ئەحمەد) ئەگەر دەرگەهـ هاتەڤەكرن ئەز و تو و دو كەسێن ب چەك دێ چینە ژورڤە و ئەم دێ دبەرهەڤ بین و مە پلانا خوە ب درێژی بۆ (موختاری) شرۆڤەكر تو دێ چی دەرگەهی قوتی و ئەو دێ دەرگەهی ڤە كەت و ئەوی 14 خورەكا باش هەبوو و برونویەكا هژمارە 17 هەبوو و ئەگەر تە دەرگەهـ قوتا دێ بێژیت توكی؟ بێژێ من بەرسڤا ناما تە بووتە ژ بارەگایی ئینایە و ترۆمبێل هاتیە خوارێ و كەرم بكە بەرا من بكەڤە دا بچین و ئەو دێ دەرگەهی ڤەكەت و ئەم دێ چینە ژوور، گۆت بلا سەرچاڤا و گۆت ئەگەر ئەز كوشتم؟ مە ب یاری ڤە گۆتێ پاش دێ تە كەینە شەهید، بۆ درەنگی شەڤ ئەم ژووردا چووینە مالا موختاری و بەرسڤكەك ل بەر خانیێ وی ڤە بوو و ئەم ژی چووینە بەرسڤكێ مە خوە گرت و موختاری دەرگەهـ قوتا و ئەو ژی هاتە پش دەرگەهی و گۆت كی یە؟ وی گۆتێ ئەز موختارم مانێ تە ئەز هنارت بووم سەرسنگێ و من بەرسv بووتە ئینایە و ترۆمبێل ژی ل ئەردنا خوارێ یە لەزێ بكە كارێ خوە بكە و دا بچین، (عەبدولرەحمان) بلەز هات دەرگەهـ ڤەكر و ل گەل دەرگەهـ ڤەكرنێ ئەم چووینە ژوور و مە گۆتێ نەل ڤی و دەستێن خوە بلندكرن و مە چەكێ وی ژێ وەرگرت و مە گۆتێ كەرم بكە دا بچین و مە گۆتێ كارێ خوە بكە و كارێ خوە كر و جارەكا دی مە زڤراندە بارەگایی و مە زێرەڤانی لێكر هەتا بوویە سپێدە و سپێدێ مە دەوارەك پەیداكر و سەقا بەفر بوو مە ل دەوارێ سواركر و ئەم چووین و ل چوونێ ب زمانێ ئنگلیزی گۆتە من ئەو كاغەزا من هنارتی چ ل وێ كاغەزێ هاتیە؟ من گۆتێ ئەز نوزانم، گۆت بەلێ یا ئەز زانم كاغەز یا بەریكا تە دا گۆت كێ كاغەز رادەستی تە كریە؟ من گۆتێ (تاهری) گۆت ئەز چووم و یامن ب دووماهی هات و دێ من كوژن من گۆتێ نەنە دبیت تە نەكوژن و رەنگە بهێە خەلاتكرن و ئەم چووین هەتا گەهشتینە دەف (ئەسعەد خوشەڤی) وەك پێشتر من ئاماژە پێكری بارەگایێ وی ل (گەرمكێ) بوو و من رادەستی وی كر و (ئەسعەدی) جامێری تڤەنگەكا برنو داڤ من و گۆت هەرە بهینا خوە ڤەكە و چەند هەیڤەڤەكا ل مال بە و نە چە چەپەرێن شەری و ئەز هاتمە مال و چەند هەیڤەكا مام.
