بابێ من ب تەختێ زیندانێ ڤە دهاتە گرێـدان و ئەشكەنجەدان
سالار محەمەد دۆسكی:
1-7
پێشمەرگەیێ هەر دو شۆڕەشێن ئیلۆن و گولانێ عەلی محەمەد عبدولرەحمان عەلی بێدهی بۆ بەرپەرێ دیرۆك ل رۆژنامەیا ئەڤرۆ گۆت: ل ئادارا سالا 1959 چوو مە دناڤ رێزێن پارتی دیموكراتی كوردستان دا وی دەمی مامە ل گەل هەڤالێن دناڤ رێزێت پارتی دا ل گوندێ بێدهێ كو پێك هاتبوون ژ هەڤالان ( یوسف محەمەد عومەر، شێخ سەلمان حسێن، عبدوللا حسێن ئاڤدەل) مە نڤێسینگەهەك ل گوندی ڤە كربوو بناڤێ نڤێسینگەها (خەبات) وی دەمی حزبایەتی گەلەك بوومە یا شرین بوو و هوسا بوو من یا خوش بوو ئەگەر جارەكێ چووبا مە نڤێسینگەها (خەبات) هەر وەكی چمە وێرێ كارەكێ مەزن دكەم، شۆڕش ل گوندێ مە دەست پێكریە و ئەگەر ئێك تشتەكێ دی بێژیت وە نینە و ئەو ژی ئەڤە بووینە (شێخ سەلمان حسێن، یوسف محەمەد سادق) ئەم ئەڤێن دی گەهشتینە ل گەل (یوسفی) ئەز ل سالا 1961 چوومە خولەكا بەغدا یا پولیسێن نایاب و من مامەلێن خوە دروست كربوون، ب ئارمانجا تەمامكرنا وانێن خوە ل وێرێ وەك فەرمانبەر دەوامێ كەم، چوومە تاخێ مەیدان ل بەغدا كەسەك ل وێرێ بوو خەلكێ (دیاربكەر) بوو و ناڤێ وی (سبری) بوو و چەیخانە دگۆتنێ چەیخانا (عەلی مێردینی) سپێدەهیەكێ چوومە وێرێ و من دیت هندەك ژ وێ ڤە هاتنە وێرێ و دا دەربازبن و بەرەڤ بەرەڤانیا ئیراقێ ڤە چوون و ئەو جەماعەت كورد بوون و (سەبری) پیرەمێر بوو و سەرێ وی شمن سپی تربوو و من پرسیار ژ (سەبری) كر ئەوهێن هە كی نە؟؟ دەستێ خوە ب دەڤێ خوە ڤە نا و ب نیشانا گۆتە من بێ دەنگ بە و چەیخانە یا بچوویك بوو و سەماوەرێ وی یێ نەفتێ بوو و چاڤێ من ژی ما ل ئەوان كەسان و ئەز نەوێریام باخڤم و گەلەك ژ خەلكی رونشتی بوون ل سەر كورسیكا ل دەرڤە، و دوڤدا گازی من كر و گۆت وەرە و گۆت تو خەلكێ كیری من گۆتێ خەلكێ دەڤەرا بەرواری یا گۆت مام ئەڤە هەمی هەوالگێریێن حوكمەتێ نە بێ دەنگ بە و من گۆتێ تە نەگۆت ئەڤە كی بوو؟ گۆت ئەڤە پشكەكا كوردانە و هاتینە ڤێرێ دێ بنە چەتە ل دژی (مەلا مستەفا بارزانی) و ئەو چەند هەیف بوو (مەلا مستەفا بارزانی) ژ رۆسی هات بوو و ئەڤە یێ هێزەكێ چكەەن بۆ دژایەتیكرنا (مەلا مستەفا بارزانی) و هەمان دەم من پەنجە مورێن خوە وەرگرتینە و ئەم چاڤەرێی نە سوباهی بەرسڤێ وەربگرین و ئەز دو دل بووم و من ژی گۆتێ سوپاس و كورمەت و پسمامێ من هەر دو ل گەل منن و من گۆتێ ئەم دێ رابین چینە وێزگەها شەمەندەفرێ ئەوان گۆت بۆچی؟ من گۆتێ دێ چمە مال و ئەز ئەندامێ پارتی دیموكراتی كوردستانم و ئەوا گۆت چیە مال؟ من گۆتێ بەلێ؟ پسمام دێ سوباهی بەرسڤێن مە دەركەڤن و من گۆتێ ئەگەر بەرسڤ دەركەفتن وەربگرن و بەرسڤا من ژی وەربگرن و ئەوان ژی گۆت ئەگەر تو چووی ئەم ژی دێ هێین و ئەم پێكڤە چووینە وێزگەها شەمەندە فرێ و مە تێكێتن شەمەندەفرێ برین و ئەم سوار بووین و رۆژا، دووڤدا سپێدێ ئەم گەهشتینە باژێرێ مویسل و ئەم ماینە ل چاڤەرێ بوونا ترۆمبێلا بۆ ئامێدیێ و نەفەر نەبوون بۆ ئامێدیێ و شوفێرەك هەبوو بناڤێ(عبدولرەحمان) خەلكێ دهۆكێ بوو و ترۆمبێلەكا سالۆن هەبوو و مە ئەڤ شوفێرە ل چایخانا (حسێنێ ئەحمەدێ حسێنی) دیت ل فەیسەلی مویسل و مە گۆتێ( عبدولرەحمان) دی كەنگی چی گۆت هەما نەفر دروست بوون ئەم دێ چین و مە گۆتێ ئەم سێ نەفەین و ئەوی گۆت دێ سەحكمە دو كەسێن دی وێ رۆژێ نەفەر دروست نەبوون و رۆژا پاشتر ئەم چووین و چاڤەرێی نەفرا بووین و هەر نەبوون و نینن هەتا بوویە ئێڤارەكا درەنگ (عبدولرەحمان) گۆتە من من نەفرەك پەیدا كریە و هەما ئەم دێ ب رێ كەڤین و ئەم سوار بووین و ئەم بەرەڤ دهۆكێ هاتین و ب رێ ڤە (عبدولرەحمان) بوو مە ئاخفت جامێری بوومە سحبەتێن خوش كرن و ترانەكرن و بەحسێ گەنجاتیا خوە كر و ئەم گەهشتینە هاڤینگەها (سیلاڤێ) من گۆتێ (عبدولرەحمان) راوستە ل ڤێرە و ئەم هاتینە خوار گۆت وەرە ما هەوە نە گۆت ئەم دێ هینە ئامێدیێ من گۆتێ برا ئەم دێ ل ڤێرە هینە خوار و ئەم ب پیا بەرەڤ گوندی چووین و جهێ من ل سەر بانی بوو چوومە سەربانی و خەوا من نەهات و نێزیكی سپێدێ بوو و چاڤێن من چوونە سەرك نەچوونە سەرێك من دیت قەرەبالغە و مزگەڤت نێزیكی مالا مە بوو و گەلەك یا دویر نەبوو و جماعەت هاتینە بەردەرگەهێ مزگەڤتێ رونشتینە خوارێ و یێ سحبەتا دكەن و ئەز ژی رابووم و ژوردا هاتمە خوارێ و سەحكمێ(شێخ سەلمان) ل گەل دایە و من گۆتێ ئەڤە هەوە خێرە ؟ گۆتن ئەم دێ چین سەر ب مەغفەرا (ئورە) دا گرین و من گۆتێ خۆش شولە و بابێ من ئنگلیزیەكا درێژ هەیە و من رەختێ وی كرە پشتا خوە و رەختێ فرەهـ بوو و ب هەر رێەكا هەبیت من گرێدا و تڤەنگا وی من هەلگرت و ئەز چووم و ئەم چووین مە مەغفەرا (ئورە) شەلاند و ئەم زڤرین و چەند رۆژەك پێڤە چوون ئێ دێ چكەین چنا كەین دێ چینە سەر (مرێبا) دەمێ ئەم دا چینە سەر (مرێبا) تزڤی گەهشتنە مە ئێكی دگۆتنێ( رەشیدێ حەجی ئەحمەدی) خودێ ژێ رازی بیت چوویە بەر رەحما خودێ و ئێكی دگۆتنێ (محەمەد مویسا) و ئێكی دی ژی دگۆتنێ (ئیسلام حەبیب) و (سەعیدێ مالا عەبدی) ژی مە ل گەل خوە بر و ئەم چووینە سەر (مرێبا) مە پلانا خوە بجهئینا و ئەم زڤرینە ڤە و یێ چ بكەین چ نەكەین،
هەمان پێشمەرگەیێ شۆڕشا ئیلۆن و گولانێ گۆتژی: ئەز ل گەل چەند جماعەتێن (عەلی عەسكری) چووینە گوندێ(سەرەرو) چووینە مالا (محەمەدێ جندی) ل وی گوندی نێزیكی (20) رۆژا ئەم ماینە ل وێرێ و ئێكێ جماعێت (عەلی عسكری) ل گەل مە بوو ناڤێ وی (عبدولرەحمان سید عەلی) بوو خەلكێ (كەلار) بوو، چ بكەین چ ناكەین؟؟ گۆتن دێ خودێ ژێ ڕازی (مەلا مستەفا بارزانی) هێتە دەڤەرێ و چیتە دەڤەرا دوسكی یا و ئەم نوزانین دێ كڤیە چیت دێ چیتە سوریێ یان وەلاتەكێ دی ئەم نوزانین و گۆتن ئەم دێ جارێ ل مالا (محەمەد جوندی سەرەروی) بین و ئەم نێزیكی 15 بۆ 20 رۆژا ماینە ل مالا (محەمەد جندی) ئەم ئەوێن ل وێ مالێ ماین ئەڤە بووین ئەز و (عەبدولرەحمان سەید عەلی، محەمەد تاهرێ برایێ محەمەد جندی، ئیسلام حەبیب ئورەیی) ئەم ماین.
