بابێ من هەڤال و پشتەڤانەكێ بهێزە بۆ كارێ من
شاكر ئەتروشی:
ژیمان سەعید، مەدیاكار و ئەكتەرەكا خەلكا دهۆكێ یە، د دیدارەكێ دا بۆ رۆژناما ئەڤرۆ گۆت: دژیەكێ بچووكدا حەزا كاركرنێ دبۆرارێ راگەهاندنێ دا ل دەف من هەبوو، ل 2016 دەلیڤە هات و ل رادیۆیا زانكۆ من بەرنامەیەك پێشكێشكر، دووڤدا بۆ ماوەیەكی چوومە رادیۆیا دهۆك و ل وێرێ ژی من كارێ پێشكێش دكر، دووڤدا هاتمە رۆژنامەیا ئەڤرۆ و دو سالان بوومە پەیامنێر، پاشان چوومە (نۆژ نیۆز و گاڤ نیۆز) هەر من كارێ پەیامنێریێ دكر و نوكە ل چو دەزگەهان كارناكەم، ژبەركو ئەز قوتابیا پشكا راگەهاندنێ مە ل پەیمانگەها ڤیا یا نەحكۆمی و پشتی ب دووماهی دئینم دێ مە بەرنامەیێن باش هەبن.
دەربارەی پشكداریا خوە وەك ئەكتەر د شانۆگەریەكێ دا گۆت: ب راستی هزرا ئەكتەریێ دسەرێ مندا نەبوو، ئانكو ژ نشكەكێ ڤە هەڤالەكی داخواز ژمن كر و ئەز رازیبووم، ئەو ژی شانۆگەریا (مرن و كچینی) بوو ژ دەرهێنانا محەمەد عەزیز و مە پشكداری د فیستەڤالەكا شانۆیێ دا كر ل قەزا چەمچەمال و دوێ شانۆگەریێ دا من خەلاتێ دوەم باشترین ئەكتەرا كچ وەرگرت و پشتی وێ شانۆگەریێ هندەك داخوازێن دی بۆ من هاتن، لێ ئەز رازی نەبووم هەتا پەیمانگەهێ ب دووماهی بینم، لێ بۆ پاشەرۆژێ من دڤێت پتر دبۆارێ راگەهاندنێ دا كاربكەم و ببمە مەدیاكارەكا ناڤدار و سوپاسیا مالباتا خوە هەموویان دكەم كو پشتەڤانێن منن، ب تایبەت ژی بابێ خوە، چنكو ئەو نەبەس بابە بەلكو هەڤال و پشتەڤانەكێ بهێزە بۆ كارێ من.
