بابێ من پشتەڤانێ سەرەكی یە
هەرهین محەمەد:
قوتابیا بەهرەمەند (ئەلین هەیسەم) كو ژیێ وێ دوازدە سالن و ل قوناغا حەفتێ بنەرەتی یە، هەر ل دەستپێكا ل قوناغا بنەرەتی حەزا وێنە چێكرنێ هەبوویە، د دیدارەكێ دا بۆ رۆژنامەیا ئەڤرۆ گۆت: بەری چەند سالان من گەلەك سەحدكرە ڤیدیۆیان و ئەو حەزە ل گەل من مەزن بوو، ل وی دەمی من ب رەنگێن داری كاردكر، لێ نوكە ب رەنگێن ئاڤێ چێدكەم و بابێ من پشتەڤانێ سەرەكی یە كو یا بەردەوامبم و ل فەستیڤالا ئاكرێ یا دویێ بابێ من وەكو ئەندازیارێ چاندنێ تێدا پشكدار ببوو، ئەز ژی دكوژیەكی دا پشكداركرم و من كەڤال چێدكرن و كەیفا خەلكی گەلەك كەیفا وان ب من و كارێ من هات.
هەروەسا گۆت: پتریا وێنەیێن ئەز چێدكەم د سرۆشتی نە و و بابێ من بۆ من جهەك دەستنیشانكریە ئەز كاری َخوە لێ دكەم و دەمێ پێشانگەه ل قوتابخانێ دهێنە ڤەكرن پشكداردبم و پلەیا ئێكێ ب دەستخوە ڤە دئینم و چەند كەڤالێن خوە من كرینە دیاری.
