بابێ وی پشته‌ڤانیێ لێ دكه‌ت
دهۆك، شاهۆ فه‌رید:
رێدار نسره‌ت، گه‌نجه‌كێ به‌هره‌مه‌نده، دژیه‌كێ بچووك دا حه‌ز ژ مۆزیكێ كریه، ب تایبه‌ت ئامیرێن ئیقاعێ، وه‌ك درامس و تۆمبلك و بابێ وی و دو پسمامێن وی ئه‌و هاندایه كو یێ به‌رده‌وام بیت و حه‌ز دكه‌ت ل سالا بهێت بچیته په‌یمانگه‌ها هونه‌رێن جوان دا ب شێوه‌كێ ئه‌كادیمی ل سه‌ر مۆزیكێ بخوینیت.
ناڤهاتی، كو نوكه قوتابیه ل پولا نه‌هێ بنه‌ره‌ت، د دیداره‌كێ دا بۆ ئه‌ڤرۆ دبێژیت: پشتی ئه‌ز پولا نه‌هێ ب دووماهی دئینم من ل به‌ره بچمه په‌یمانگه‌ها هونه‌رێن جوان چنكو ئه‌ڤه ئێك ژ هیڤیێن منه و حه‌زدكه‌م بجه بهێت، بۆ زانین به‌ری نوكه من پشكداری د چه‌ند ئاهه‌نگان دا كریه، هه‌روه‌سا ژبلی ئیقاعێ ده‌مه‌كه خوه فێری ژه‌نینا پیانۆیێ ژی دكه‌م، هه‌روه‌سا من كارێ دوبلێریێ ژی كریه و دخوازم هه‌موو خێزان دهاریكارن ژبۆ زارۆیێن خوه ب تایبه‌ت ئه‌وێن به‌هره‌یه‌ك ل ده‌ف بیت دا بشێن بجه بینن.
