بابەت تنێ دەست بەردان ژ چەکی نینە
د. دوگو ئەرگیل بسپۆرێ زانستێن سیاسی د داخۆیانیەکێ دا راگەهاند، نها گەلەک ژ بەرپرسێن دەولەتێ دبێژن هەتا پەکەکە دەست ژ چەکی بەرنەدەت ئەو نەشێن ب کریاری چو بکەن، بابەت تنێ دەست بەردانا ژ چەکی نینە، چونکی ئەم بەحسێ پرسەکا گەلەک مەزن ل تورکیا دکەین، پرسا پتر ژ بیست ملیۆن مرۆڤانە و ژ بۆ ڤێ یەکێ ژی دڤێت گەلەک کارێن مەزن بهێنە کرن.
ناڤهاتی ئەو یەک ژی دیار کر، دڤێت د دستوورێ تورکیا دا گوهۆڕین بهێنە کرن، دڤێت هەبوونا کوردان ب فەرمی ل تورکیا بهێتە قەبوول کرن، کوردان گەلەک داخوازی هەنە دڤێت هندەک ژ وان ب فەرمی بهێنە قەبوول کرن، هەتا ئەو یەک نەهێتە کرن بێگومان بزاڤێن نها دهێنە کرن دێ بێی ئەنجام بن، هەر کەس دزانیت پەکەکە بێی بدەستڤەئینانا هندەک تشتان نە دەست ژ چەکی بەردەت و نە ژی خەباتا خوە ددەتە راگرتن، ڤێجا گرنگە ب کریاری هندەک تشت بهێنە کرن.
