باب و كچەكێ پێشانگەهەك ل زاخۆ ڤەكر
عەلی حاجی:
بۆ جارا ئێكێ پێشانگەهەكا شێوەكاری بۆ باب و كچەكێ ل زاخۆ هاتە ڤەكرن و (35) كەڤال تێدا هاتنە نیشادان و باب یێ دلخۆش بوو كو پێشانگەه ل گەل كچا خوە ڤەكری و گۆت: ئەڤ پێشانگەهە بۆ من یا جوودا بوو.
هونەرمەندێ شێوەكار(موسلم ئەحمەد) گۆت: ئەز گەلەكێ دلخۆشم من ئەڤ پێشانگەهە ل كچا خوە ڤەكری و هیڤیا من ئەوە كەسێن سەرەدانا پێشانگەهێ كرین كەڤالێن مە ب دلێ وان بن، بۆ زانین
ئەڤە جارا ئێكێ یە ئەز پێشانگەهەكێ ل گەل كچا خوە ڤەدكەم، ژبەر هندێ ئەڤ پێشانگەهە بۆ من یا جوودایە ژ هەموو پێشانگەهێن من یێن بۆری، هەروەسا من بابەتێن جوودا د كەڤالێن خوە دا ئازراندینە و سوپاسیا قائیمقامێ زاخۆ دكەین كو پشتەڤان بوویە و ئەم ژبیرنەكرین، كەڤالێن من و كچا من گەلەك بابەت تێدا هەبوون (سروشتی، چیرۆكێن كوردی، خەیالی، رەخنەیی) بۆ زانین نوكە كەسێن خودان بەهرە دبۆارێ شێوەكاریێ دا ل زاخۆ هەنە، لێ پێدڤی ب پشتەڤانیێ نە دا شیانێن خوە بینە دەر و بەر ب پێشڤە ببەن.
