باب و ڕۆژنامە
نڤیسین: پاولۆ كۆیلۆ
بابی هەولددا ڕۆژنامەیێ ب خوینیت، لێ كوڕێ وی یێ بچویك بەلا خۆ ژێ ڤە نە دكر، و دەمێ باب ژ كوڕێ خۆ بێزار بووی، بەرپەڕەك ژ ڕۆژنامەیێ ژێڤەكر، نەخشەیێ جیهانێ ل سەربوو و كرە پارچەیێن بچویك و دا كوڕێ خۆ و ژێ خواست دوبارە نەخشەیی كۆمكەت و زڤری خواندنا ڕۆژنامەیا خۆ..
یا ژوی ڤە دێ زاڕۆ بۆ دانەكێ ڕۆژێ پێڤە مژویل بیت.. لێ پازدە خۆلەك پێڤە نەچوون و كوڕك ڤەگەڕیا و وی نەخشە یێ لێكدایەڤە!
جا بابی ب مەندەهۆشی ڤە پرسیاركر:
– “ ئەرێ دەیكا تە جوگڕافیا نیشا تە ددا”؟!
زاڕۆی بەرسڤ دا وگۆت:
– “ نە.. لێ وێنەیێ مرۆڤەكی ل سەر ڕوی یێ دی یێ بەرپەڕی بوو و دەمێ من ئاڤاكرنا مرۆڤی دوبارەكری.. من ئاڤاكرنا جیهانێ دووبارەكر “.
رستەیەكا خۆبخۆ بوو، پاشی بابی وی هەر دگۆت: “دەمێ تە مرۆڤ ئاڤا كری تە جیهان بخۆ ئاڤا كر”
ـــــــــــــــــــــــــــــــــــــــــــــــــــــــــــــــــــ
*پاولو كۆیلو: ڕۆماننڤیس و چیڕۆكنڤیسێ بەڕازیلی ژدایكبوویێ سالا 1947، ئێكەمین پەرتووكا خوو ل سالا 1982 بەڵاڤكر ب ناڤێ ( ئەرشیفێ دۆزەخێ ). پەرتووكا (یێ خیمیائی) بەلاڤكر و بوو ژ گرنگترین ڕۆمانێن بەڕازیلی و ژ پترترین پەرتووكێن هاتین فرۆتن.
ژێدەر: رۆژناما ئەلنەهارئەلعەربی
وەرگێڕان ژ عەرەبی:
عەدنان ئەحمەد مزووری
