باجان ره‌شكێن چار كیلو ل گوندێ باكرمان دروست دبن
ئه‌ڤرۆ،بارزان مزوورى
سلێمان عبدالرحمان، ئێك ژ خودانێ بیستانێ باجان ره‌شكا ل گوندێ باكرمان بو ئه‌ڤرو نیوز دیار كر كو پتر ژ پێنجى ساله ئه‌ڤ توڤێ باجان ره‌شكێ ل گوندێ باكرمان سالانه دهێت چاندن، به‌لێ چ جارا وه‌كو ئه‌ڤ سال یا باش نه‌بویه یا مه‌زنترى هه‌میا وه‌زنێ وێ چار كیلو بوویه .
سلێمان عبدالرحمان گوت: ئه‌ڤ سال هه‌ر ئێك ژ وان باجان ره‌شكا وه‌زنێ وێ گه‌هشتیه پتر ژ چار كیلویا و جهێ سه‌رسورمانێ بوویه ل ده‌ڤه‌رێ و هه‌ر كه‌سێ دبینیت دبێژیت ئه‌ڤ توڤێ باجانێ وه كیڤه ئینایه بوجارا ئێكێ یه دبینن.
ناڤبرى گوت ژى: ئه‌ڤ توڤه دوماهیا به‌رهه‌مى، توڤێ وان دهێته هه‌لگرتن بو سالێن لدوڤ دا و ل سه‌ر ده‌مێ باب و باپیرا حه‌تا نها دهێته هه‌لگرتن چونكو ژ ڤى جورێ باجانێ نها ل بازارى نینه .
بو زانین گوندێ باكرمان سه‌ر ب قه‌زا ئاكرێ ڤه ئاكنجیێن گوندى 40% ژیانا وان ل سه‌ر كشتوكالى و خودان كرنا مه‌رومالاتى یه .
