باجا ململانێ یا حزبی!!!

ئه‌گه‌ر ئه‌م لێنێرینه‌كێ ل مێژویا زوربه‌یی وه‌لاتان بكه‌ین ل ده‌مێ شوره‌ش و سه‌رهلدانان دا بو بده‌ستڤه‌ ئینانا مافێن خو یێن ره‌وا دێ بینین كو هه‌ر هه‌میا سه‌ركرده‌ك سه‌ركێشیا وان دكه‌ت و هه‌می و ب خر ره‌نگا پشته‌ڤان بووینه‌ تا دگه‌هنه‌ ئارمانجێن خو وه‌كی وه‌لاتێن هندێ و باشورێ ئه‌فریقیایێ و ئه‌مریكا و چه‌ندین وه‌لاتێن دی!!
به‌لێ مخابن بتنێ ملله‌تێ كورد نه‌بیت سه‌ره‌رایی كو هێشتا نه‌گه‌هشتیه‌ ئارمانجێن خوه‌ و هێشتا زور مافێن وان بده‌ستڤه‌ نه‌هاتینه‌ ئه‌وان ب خو ئێك دونیا كێشه‌ و قه‌یران د ناڤ مالا خودا دروستكرینه‌ و روژ بو روژ یێ دوزا كوردی لاواز دكه‌ن سه‌ره‌رایی كو ئه‌ڤ دوزه‌ گه‌هشتیه‌ قوناغێن گه‌له‌ك پێشكه‌تی و چه‌ندین به‌ربه‌ست و ئاسته‌نگ شكاندینه‌ و برینه‌! ئه‌ڤ چه‌نده‌ ژی بو وێ هزرا خه‌له‌تا عه‌شائیرگیریێ و ناوچه‌ گه‌ریێ دزڤریت كو ئه‌ڤ ملله‌ته‌ زوی بڤان دروشما سه‌ردا دچیت و بسه‌ناهی دكه‌ڤیته‌ داڤێن دوژمنان!!
ده‌ستپێكا پارچه‌بوونا سه‌ركردایه‌تیا كوردی ل كوردستانا عیراقێ بو سالێن شێستان دزڤریت و بالێ ئیبراهیم ئه‌حمه‌دی و جه‌لال تاله‌بانی خو ژ پارتی جوداكر كو ل وی ده‌می مه‌لا مسته‌فا سه‌روكێ پارتی بوو و سه‌ركێشیا شوره‌شا ئه‌یلولێ دكر و هه‌ر ل وی ده‌می تا ئه‌ڤرۆ ململانێیا حزبی ل سه‌ر شه‌نگستێن خه‌له‌ت و دژایتكرنێ یا به‌رده‌وامه‌ و پشتی هینگێ ئه‌ڤێ دژایتكرنێ لایه‌نێن دی ژی ڤه‌گرتن و هاتنه‌ دابه‌شكرن دناڤبه‌را ڤان هه‌ردو ئالیان دا و هاتنه‌ بكارئینان بو شكاندنا ئێك و دوو!!!
پشتی هه‌لبژارتنێنن سالا 1992 و هه‌تا ئه‌ڤرۆ چه‌ندین شه‌ر د ناڤبه‌را حزبان دا چێبووینه‌ و بویه‌ سه‌ده‌م چه‌ندین حزب و لایه‌نێن دی بهێنه‌ دروست كرن ئانكو هاتینه‌ دروستكرن و خو دبینن به‌دیل بو رابه‌رایه‌تیا دوزا كوردی!! به‌لێ هه‌ر ب وێ هزرا خه‌له‌ت ره‌فتارێ دكه‌ن و نه‌شیاینه‌ خو ژ بازنێ دژایتكرنا حزبی قورتال بكه‌ن و به‌رژه‌وه‌ندیێن نه‌ته‌وه‌یی گرنكتر ببینن ژ یێن حزبی! له‌ورا د بینین هه‌ر روژ به‌یاننامه‌كا ده‌ردكه‌ڤیت و هه‌ر روژ په‌یامه‌ك دهێته‌ به‌لاڤكرن و هه‌ر روژ هه‌لویسته‌ك دهێته‌ وه‌رگرتن هه‌می ژی دژی ئێك!!
به‌لێ تشتێ سه‌رنج راكێش ئه‌وه‌ كو زوربه‌یی وه‌لاتێن زلهێز ل دونیایێ و زوربه‌یی وه‌لاتێن ناوچێ پشته‌ڤانێن بارزانی نه‌ تایبه‌ت پشتی روخیانا رژێما به‌عس ل سالا 2003 و شه‌رێ داعش و هێزا دوزا كوردی و پشته‌ڤانیكرنا وێ ب كه‌ساتیا بارزانی ڤه‌ گرێدده‌ن و بارزانی دبینن وه‌ك زامنه‌ك بو بده‌ستڤه‌ ئینانا مافێن ملله‌تێ كورد!! دبینین لایه‌ن و حزبێن دی یێن كوردی ل شوینا پشته‌ڤانیكرنا بارزانی بو ده‌ربازكرنا ڤان قوناغێن مه‌ترسیدار هه‌تا ئه‌ڤ ملله‌ته‌ دگه‌هیته‌ ئارمانجێن خو یێ سور و سور دژایه‌تیا بارزانی دكه‌ن نه‌ك بتنێ پارتی و ب هه‌می رێكا و ده‌زگایێن راگه‌هاندنێ یێ كه‌سایه‌تیا وی د چاڤێن خه‌لكی دا لاواز نیشانده‌ن و بناڤێ ئازادیێ یی جادێ هانده‌ن كو دژی بارزانی راوستن!! هه‌می حزب و لایه‌ن خو پارتی ژی كه‌تینه‌ جه‌ستێ ئێك و دوو د راگه‌هاندنێ دا ب هه‌می ره‌نگا ئێك و دوو د شكێنن و ئه‌و پارتی تومه‌تبار دكه‌ن ب گه‌نده‌لیێ و خو سه‌پاندنێ و پارتی وان تومه‌تبار دكه‌ت بدروستكرنا قه‌یرانا و خیانه‌تكاریێ و گێرانا پیلانان و ب دروستی چ لایه‌ن بهایێ ڤی سه‌ركرده‌یی نزانن و به‌رژه‌وه‌ندیا و كه‌رب و كینا ل به‌رامبه‌ر ئێك و دوو و سیاسه‌تا ئێك و دوو نه‌قه‌بیلكرنێ بو سه‌ده‌م كو سه‌روك باجا ڤێ چه‌ندێ بده‌ت!!
ژبیرا لایه‌نا چویه‌ كو هێشتا دوزا كوردی چه‌ندین قوناغ ماینه‌ دڤێت ده‌ربازكه‌ت و بو ڤان قوناغا پێتڤی ب سه‌ركرده‌كی نه‌ وه‌كی سه‌روك بارزانی كو ڤی ملله‌تی ژ ڤان قوناغا ده‌ربازكه‌ت و مخابن هه‌می لایه‌ن دزانن كو ئه‌ف ملله‌ته‌ و ئه‌ف دوزه‌ پێتڤی بارزانی نه‌ به‌لێ چونكی ب درێژیا مێژویا خو دژی پارتی و بارزانی كاركریه‌ و دژایه‌تیكریه‌ نوكه‌ نه‌شێت ب سه‌ناهی بێژیته‌ خه‌لكی كو راسته‌ مه‌ هه‌میا پێتڤی یا بارزانی هه‌یی و ئه‌ف چه‌نده‌ بویه‌ گرێیه‌ك ل ده‌ف وان و نه‌شێن خو ژێ قورتال بكه‌ن و ئه‌ف چه‌نده‌ بویه‌ سه‌ده‌م و رێخوشكه‌ر كو كوردستان هێشتا ئازاد و سه‌ربه‌خو نه‌بوی بهێته‌ دابه‌شكرن ئه‌و ژی كو هنده‌ك لایه‌ن د رازی نینن بارزانی رابه‌رایه‌تیا دوزا كوردی بكه‌ت و بوینه‌ ئێخسیرێن ڤێ گریێ!!
له‌ورا پێشبینی دكه‌م پشتی بارودوخێ ناوچێ زێده‌تر ئالوز بوی و كاودان ب شێوه‌كی ئێك جار مه‌زن یێن دهێنه‌ گهورین حزب و لایه‌نێن كوردی بگه‌هنه‌ رێكه‌فتنه‌كێ كو ملله‌تێ كورد ب كێمترین زیان ژ ڤان قوناغا ده‌رباز كه‌ن!!

کۆمێنتا تە