باج ل سه‌ر هنده‌ك كه‌ره‌سته‌یێن خوارنێ دێ هێته كێمكرن
هه‌ولێر، سولین سلێمان:
رێڤه‌به‌رێ گشتیێ گومركان ل هه‌رێما كوردستانێ راگه‌هاند: ئه‌ڤ ساله ئه‌و دێ پتر ئاسانكاریان ژ بۆ بازرگانان كه‌ن و دبێژیت: باج ل سه‌ر هنده‌ك كه‌ره‌سته‌یێن خوارنێ دێ هێته كێمكرن، دیسا ب مه‌ره‌ما پشته‌ڤانیكرنا به‌رهه‌مێ ناڤخوه‌یی باج ل سه‌ر هنده‌ك كه‌ره‌سته‌یان ژی دێ هێته زێده‌كرن.
سامال عه‌بدولره‌حمان، رێڤه‌به‌رێ گشتیێ گومركان ل هه‌رێما كوردستانێ بۆ رۆژناما ئه‌ڤرۆ گۆت: “مه ل گه‌ل حوكمه‌تا فیدرال تێگه‌هشتنه‌كا باش هه‌یه ل سه‌ر بابه‌تێ گومركان و ئاساكاریكرن ژ بۆ بازرگانان، دیسا ئه‌ڤ ساله د پلانا مه دایه بهایێ هه‌ر كه‌ره‌سته‌یه‌كی ب هه‌ماهه‌نگی ل گه‌ل ژوورا بازرگانیا هه‌رێما كوردستانێ دیار بكه‌ین”.
گۆتژی: “د سالا بۆری دا داهاتێ گومركان و باجێ ل ده‌رگه‌هێن سنووری نزیكی ترلیۆنه‌ك و 500 ملیار دیناران بوویه”.
