باخچەلی: ئسرائیلێ دڤێت قووناغا ئاشتیێ تێک بدەت
دەولەت باخچەلی سەرۆکێ پارتا بزاڤا نەتەوەپەرست یا تورکیا جارەکا دی بەحسێ ئالۆزیێن ل رۆژهەلاتا ناڤین کر و راگەهاند کو ئاخڤتنێن سەرۆک وەزیرێن ئسرائیلێ گەلەک مەترسیدارن، ئسرائیل بەحسێ نەخشێ نوو یێ رۆژهەلاتا ناڤین دکەت و دڤێت تورکیا ژی هزرا هەر تشتەکێ بکەت، یا نها ئسرائیل دکەت دێ بیتە ئەگەرێ ئالۆزیێن گەلەک مەزن ل رۆژهەلاتا ناڤین.
دەولەت باخچەلی ئەو یەک ژی دیار کر، بێگومان ئارمانجا سەرەکی یا ئسرائیلێ ئەوە دا تورکیا لاواز بکەت، ئسرائیل نها کار بۆ ژناڤبرنا قووناغا ئاشتیێ دکەت، ژ بەر ڤێ یەکێ ژی گرنگە هەموو پارت و ئالیێن سیاسی ل تورکیا هەست ب پیلانا ئسرائیلێ یا بۆ لاوازکرنا تورکیا بکەن، ژ بەر ڤێ یەکێ ژی گرنگە قووناغا ئاشتی زوو بگەهیتە ئارمانجا خوە و دڤێت رێ نەدەین ئسرائیل ببیتە ئەگەرێ ئالۆزیێن نوو ل تورکیا.
