بارانا خەما
رۆندك مزوری
ل بەر باڕۆڤا عەشقاتە
كەتمە بە بارانا خەما
چەند سالان مام ل هیڤیاتە
هەتا كو دل ب منڤە نەما
ل جهێ كەیف و خۆشی و سەما
كەتیمە بەر ئێش و ئەلەما
ئەز گەلەك مامە ل هیڤیاتە
ژ هزرا من نەچۆی چ دەما
عەشقاتە دار هشككرن
تەیرا هێلین ژێ چێكرن
من ناڤێ تە ل سەر نڤیسی
دابن شینوار گەر ئەز مرم
عەشقاتە وەكی ئاگری
ب دلێ من كەفت و كر گۆڕی
راستە هێشتا دەنگێ من دهێت
لێ كارێ من یێ بووی گری
مریمە د عەشقاتە دا
من نڤیسی تە جاب نەدا
من دیسان دەست ب ئەڤینێ كر
دگەل ئێكێ دی ژ كەربێن تەدا
