بارانێ زیان گەھاندینە رێیا سەرەکی یا کانی ماسێ
ئەڤرۆ نیوز، زنار تۆڤی:
ژ ئەنجامێ بارینا بارانان و رابوونا لەھیان زیان گەھشتینە رێیا سەرەکی ل ناحیا کانی ماسێ و رێیا ھاتنوچوونا ترۆمبێلان ل سەر وێ رێکێ ب زەحمەت کەفتبوو، لێ نوکە چارەسەریەکا دەمکی بۆ ھاتیە کرن.
سەربەست سەبری ئاکرەیی رێڤەبەرێ ناحیا کانی بۆ ئەڤرۆ نیوز دیار کر ژ ئەگەرێ باران و لەھیان زیان گەھشتبوو رێیا گشتی ل چەپێن بارۆخێ و پتری میترەکێ جادا سەرەکی یا دچیتە ناحیا کانی ماسێ و سەرزێری داچبوو، ترۆمبێل نەدشیان ھاتنوچوونێ لێ بکەن، لێ ئەڤرۆ دوشەمبی مە وەکو رێڤەبەریا ناحیا کانی ماسێ ل گەل شارەوانیا کانی ماسێ چارەسەریا دەمکی بۆ رێکێ کریە و ئەو جھێن خراب بوویی مە تێکەلە کریێ و نوکە ھاتنوچوونا ترۆمبێلان ئاسایی بوویە.
ناڤھاتی گۆت ژی رۆژانە گەلەک ترۆمبێل ژ ئالیێ کوردستانێ و تورکیا ھاتنوچوونێ د رێیا رێیا سەرزێری دا دکەن، لەوما مە ھەر زوو ئەو رێک سەخبێر کریە، ھەروەسا رێیا سێ گوندێن دیتر ل ڤێ دەڤەرێ ئاخ رھیایە تێدا و نوکە تیمێن مە د بەردامن ژبۆ ڤەکرنا رێیا وان ھەرسێ گوندان.
