باران بارين دێ ب دووماهى هێت

ئه‌ڤرۆ نيوز:

رێڤه‌به‌ريا كه‌شناسى و بيڤه‌له‌رزێ ل دهۆكێ راگه‌هاند كو سوبه‌هى رۆژا شه‌مبى رێكه‌فتى 31ى چريا ئێكێ 2015 ئه‌سمانێ دهۆكێ دێ ب تمامى ئه‌ور بيت ل گه‌ل بارينا بارانه‌كا هوور ب تايبه‌ت ل دانێ سپێدێ زوو.

پشكا پێشبينيان ل رێڤه‌به‌ريا گشتيا كه‌شناسى و بيڤه‌له‌رزێ ل هه‌رێما كوردستانێ د نڤيساره‌كێ دا كو دانه‌ك بۆ ئه‌ڤرۆ نيوز ره‌وانه‌ كرينه‌ راگه‌هاند كو ژ ئه‌نجامێ فشارێن بلندێن وه‌لاتێ توركيا بۆ سه‌ر هه‌رێما كوردستانێ دهێته‌ پێشبينيكرن ئه‌سمانێ دهۆكێ ساهى بيت ل گه‌ل ئه‌وره‌كێ كێم و ل دانێ سپێدێ دێ مژه‌كا كێم هه‌بيت و پاشان ژ ئه‌نجامێ بلندبوونا تيشكێن رۆژێ ئه‌و مژ ژى نامينيت.

پشكا پێشبينيان دايه‌ زايه‌ زانين كو دێ ئاراستێ باى ژى باكوورێ رۆژهه‌لات بيت ب ره‌نگه‌كى د ناڤبه‌را 10 هه‌تا 20 كم دا و ماوێ ديتنێ ژى دێ 1 بۆ 9كم بيت و پلێن گه‌رمێ ژى دێ د ناڤبه‌را 15 بۆ 22 پلان دا بيت.

کۆمێنتا تە